బిజినెస్
లాభాల్లో దేశీయ స్టాక్ మార్కెట్లు
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి, ఫిబ్రవరి 5: దేశీయ స్టాక్ మార్కెట్లు శుక్రవారం లాభాల్లో ముగిశాయి. అంతర్జాతీయ స్టాక్ మార్కెట్ల నుంచి సానుకూల సంకేతాలు అందడంతో సూచీలు లాభాలను పొందగలిగాయి. బాంబే స్టాక్ ఎక్స్‌చేంజ్ సూచీ సెనె్సక్స్ 278.54 పాయింట్లు పుంజుకుని 24,616.97 వద్ద ముగియగా, నేషనల్ స్టాక్ ఎక్స్‌చేంజ్ సూచీ నిఫ్టీ 85.10 పాయింట్లు అందిపుచ్చుకుని 7,489.10 వద్ద నిలిచింది. బిర్లా కార్పొరేషన్‌కు తమ సిమెంట్ వ్యాపారాన్ని 4,800 కోట్ల రూపాయలకు అనిల్ అంబానీ నేతృత్వంలోని రిలయన్స్ గ్రూప్‌లోని రిలయన్స్ ఇన్‌ఫ్రా అమ్మడంతో రిలయన్స్ ఇన్‌ఫ్రా షేర్ల విలువ పెరిగింది. ఇక ఆయా రంగాలవారీగా చూస్తే మెటల్, హెల్త్‌కేర్, బ్యాంకింగ్, ఫైనాన్స్, టెలికామ్, కన్జ్యూమర్ డ్యూరబుల్, ఇండస్ట్రియల్ షేర్ల విలువ 3.37 శాతం నుంచి 1.22 శాతం పెరిగింది. బిఎస్‌ఇ మిడ్-క్యాప్ 1.90 శాతం, స్మాల్-క్యాప్ 1.21 శాతం లాభపడ్డాయి. అంతర్జాతీయంగా ఆసియా మార్కెట్లలో చైనా, తైవాన్ సూచీలు వరుసగా 0.63 శాతం, 0.84 శాతం మేర నష్టపోగా, హాంకాంగ్, సింగపూర్, దక్షిణ కొరియా సూచీలు 0.08 శాతం నుంచి 2.53 శాతం వరకు పెరిగాయి. ఐరోపా మార్కెట్లలో ఫ్రాన్స్, బ్రిటన్ సూచీలు 0.55 శాతం, 0.68 శాతం చొప్పున లాభపడితే, జర్మనీ సూచీ 0.04 శాతం పడిపోయింది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.