రాష్ట్రీయం
రహదారి భద్రత గాల్లో దీపం
S ,7 à 8 RSCA (si SASPAS) et 6 cialis pharmacie cialis rapports de stage.
హైవేల పక్కనే మద్యం దుకాణాలు
సుప్రీం ఆదేశాలూ పట్టని ప్రభుత్వం
31తో ముగియనున్న గడువు
రాజమండ్రి, డిసెంబర్ 6: జాతీయ రహదారులు, రాష్ట్ర రహదారులు పక్కన ఉన్న మద్యం దుకాణాలపై ఆంధ్రప్రదేశ్ ప్రభుత్వం పూర్తి స్థాయిలో చర్యలు తీసుకుంటున్న దాఖలాలు కనిపించటం లేదు. రాష్ట్రంలో జాతీయ రహదారులు, రాష్ట్ర రహదారులు పక్కన సుమారు 800కుపైగా మద్యం దుకాణాలు ఉన్నాయి. రోడ్డు భద్రతలో భాగంగా ఈ మద్యం దుకాణాలను, హోర్డింగులను తొలగించాలని రాష్ట్రప్రభుత్వాలను ఇప్పటికే సుప్రీంకోర్టు ఆదేశించిన సంగతి విదితమే. కానీ ఇప్పటికీ రాష్ట్రంలోని జాతీయ రహదారులు, రాష్ట్ర రహదారులకు అత్యంత సమీపంలోనే మద్యం దుకాణాలు, హోర్డింగులు కనిపిస్తున్నాయి. సుప్రీంకోర్టు రాష్ట్రప్రభుత్వాలకు ఇచ్చిన గడువు డిసెంబర్ 31తో ముగియనున్న నేపథ్యంలో మద్యం దుకాణాలను, హోర్డింగులను గడువులోగా తొలగించాల్సి ఉంది. కానీ అలాంటి చర్యలేవీ అటు ఎక్సైజ్‌శాఖ లేదా ఆర్‌అండ్‌బి శాఖ తీసుకుంటున్నట్టు కనిపించటం లేదు. 2014లో దేశంలో జరిగిన రోడ్డు ప్రమాదాల్లో 8వేల మంది మృతి చెందితే, ఇందులో ఎక్కువ మంది ఆంధ్రప్రదేశ్‌లోనే మృతి చెందినట్టు తెలుస్తోంది. దేశవ్యాప్తంగా జరుగుతున్న ప్రమాదాల్లో 8.9శాతం ఆంధ్రప్రదేశ్‌లో జరుగుతుంటే, 10.8శాతం మంది మృత్యువాత పడుతున్నట్టు తెలుస్తోంది.
జాతీయ రహదారులు, రాష్ట్ర రహదారులకు నిర్దిష్టమైన దూరంలోనే మద్యం దుకాణాలు ఉండాలన్న ఆదేశాలేవీ తమకు లేవని, ప్రజల కోరిక మేరకు మాత్రమే జాతీయ రహదారులు, రాష్ట్ర రహదారులకు దూరంగా కొన్ని చోట్ల తరలిస్తున్నామని ఎక్సైజ్ అధికారులు చెబుతున్నారు.
ఇదిలా ఉంటే రాష్ట్రప్రభుత్వం తాజాగా జారీచేసిన ఉత్తర్వుల ప్రకారం 13 జిల్లాల్లో ఉన్న కోర్ రోడ్ నెట్‌వర్క్ రోడ్ల జాబితాలో, ప్రతిపాదిత కోర్ రోడ్ నెట్‌వర్క్ రోడ్లు జాబితాలో ఉన్న 14,721 కిలోమీటర్ల రోడ్లు రాష్ట్ర హైవేలుగా మార్పుచెందనున్నాయి. రాష్ట్ర హైవేలుగా మార్పు చెందనున్న రోడ్లు శ్రీకాకుళంలో 958కి.మీ, విజయనగరంలో 790కి.మీ, విశాఖపట్నంలో 790కి.మీ, తూర్పుగోదావరి జిల్లాలో 1274కి.మీ, పశ్చిమగోదావరిలో 1224కి.మీ, కృష్ణాలో 1179కి.మీ, గుంటూరులో 1274కి.మీ, ప్రకాశంలో 1186కి.మీ, నెల్లూరులో 1200కి.మీ, చిత్తూరులో 1102కి.మీ, కడపలో 1130కి.మీ, అనంతపురంలో 1258కి.మీ, కర్నూలులో 1195 కిలోమీటర్ల రోడ్లు రాష్ట్ర హైవేలుగా మారనున్నాయి. కొత్తగా రాష్ట్ర హైవేలుగా మారిన 14వేల 721కిలోమీటర్ల రోడ్లకు సమీపంలోని మద్యం దుకాణాలను కూడా సుప్రీంకోర్డు ఆదేశాల ప్రకారం తొలగించాల్సి ఉంటుంది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.