రాష్ట్రీయం
మంచి నీరు ఫ్రీ
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జనవరి 24: గ్రేటర్ హైదరాబాద్ ఎన్నికల్లో కాంగ్రెస్‌ను గెలిపిస్తే ప్రతి ఇంటికీ తాగు నీరు ఉచితంగా అందిస్తామని, బిల్లు వసూలు చేసేదిలేదని తెలంగాణ ప్రదేశ్ కాంగ్రెస్ కమిటీ ప్రకటించింది. సీమాంధ్ర నుంచే కాకుండా ఇతర ప్రాంతాల నుంచీ వలస వచ్చి స్థిర నివాసం ఏర్పాటు చేసుకున్న వారి రక్షణ బాధ్యత తమదేనని, సెటిలర్లు అనే పదాన్ని నిషేధిస్తామని పేర్కొంది. గ్రేటర్ ఓటర్లకు మొత్తం 28 హామీలతో టిపిసిసి అధ్యక్షుడు ఎన్ ఉత్తమ్‌కుమార్ రెడ్డి ఆదివారం విలేఖరుల సమావేశంలో ఎన్నికల ప్రణాళిక విడుదల చేశారు. కార్యక్రమంలో టిపిసిసి ఉపాధ్యక్షుడు, కౌన్సిల్‌లో ప్రతిపక్ష నేత షబ్బీర్ అలీ పాల్గొన్నారు. ఉత్తమ్‌కుమార్ రెడ్డి మాట్లాడుతూ గ్రేటర్ హైదరాబాద్‌కు ఉన్న బ్రాండ్ ఇమేజ్‌ను తెరాస చెడగొట్టిందని దుయ్యబట్టారు. సార్వత్రిక ఎన్నికలకు ముందు సెటిలర్లను ఉద్దేశించి జాగో-బాగో అని పిలుపునిచ్చి వారిలో అభద్రతా భావం సృష్టించిందని విమర్శించారు. ఇప్పుడు గ్రేటర్ ఎన్నికలను దృష్టిలో పెట్టుకుని సెటిలర్ల రక్షణ తమదేనని మాట్లాడుతోందని విమర్శించారు. హైదరాబాద్ గురించి మాట్లాడే అర్హత తెరాసకు లేదన్నారు. మెట్రో రైలు ప్రాజెక్టు నిర్మాణం తమ ప్రభుత్వ హయాంలో జరిగితే ఇప్పుడు తెరాస నేతలు ఫ్లెక్సీ, బ్యానర్లపై మెట్రో రైలు ఫొటోలు పెట్టుకుంటున్నారని ఉత్తమ్ విమర్శించారు. మైట్రో రైలు రూట్ విషయంలో సర్కారు తీసుకున్న తుగ్లక్ నిర్ణయాలే జాప్యానికి కారణమన్నారు. అవుటర్ రింగ్ రోడ్డు, శంషాబాద్ ఇంటర్నేషనల్ విమానాశ్రయం, పివి ఎక్స్‌ప్రెస్ హైవే, విద్యుత్ ప్రాజెక్టులు, కృష్ణా నదీ జలాలు తీసుకురావడం, కృష్ణా రెండో దశ పనుల ప్రారంభం తమ ప్రభుత్వ హయాంలో జరిగాయని గుర్తు చేశారు. తాము అధికారంలో ఉన్నప్పుడు చేపట్టిన పథకాలను పూర్తి చేయిస్తూ, ఆ ఫొటోలను తెరాస వాడుకుంటోందే తప్ప కొత్తగా ఏ ఒక్క పథకం చేపట్టలేదన్నారు.
స్కై-వేలు సాధ్యం కాదు
నగరంలో స్కై-వేలు, మల్టీ లెవల్ రోడ్లు ఆచరణ సాధ్యం కాదన్నారు. మంత్రి కెటిఆర్ వైఫై గురించి అబద్దాలు చెబుతున్నారని విమర్శించారు. సార్వత్రిక ఎన్నికలకు ముందు కూడా ఇలాగే హామీ ఇచ్చారని ఆయన గుర్తు చేశారు. తెలంగాణ ఎవరి జాగీరు కాదన్నారు. గ్రేటర్ ఎన్నికల్లో కాంగ్రెస్‌ను గెలిపిస్తే ప్రతి ఇంటికీ పైపు లైన్ ద్వారా వంట గ్యాస్ అందిస్తామని మేనిఫెస్టోలో హామీ ఇచ్చారు. సీమాంధ్ర నుంచి వచ్చి ఇక్కడ స్థిర నివాసం ఏర్పాటు చేసుకున్న వారికి, ఇతర రాష్ట్రాల నుంచి వచ్చిన వారికి పూర్తి రక్షణ కల్పిస్తామన్నారు. నిజాం కాలం నాటి డ్రైనేజీ వ్యవస్థను పూర్తిగా మార్చి వేసి అంతర్జాతీయ స్థాయిలో ఆధునిక పద్ధతిలో నిర్మిస్తాం. నగరంలో రోడ్లను విస్తరిస్తాం, ట్రాఫిక్‌ను క్రమబద్ధీకరిస్తాం, చెత్తతో విద్యుత్తుత్పకి యుద్ధ ప్రాతిపదికన చర్యలు చేపడతాం, రవాణా వ్యవస్థను మెరుగుపరుస్తాం, సోలార్ విద్యుత్తుత్పికి చర్యలు తీసుకుంటాం, గృహా నిర్మాణం చేపడతాం, విద్య, వైద్యం, పరిశుభ్రత, సోర్ట్స్ కాంప్లెక్స్‌ల నిర్మాణం, హైదరాబాద్ చరిత్ర-సంస్కృతిని కాపాడుతాం, వీధుల్లో బిక్షాటన చేసే వారికి ప్రత్యామ్నాయ ఉపాధి అవకాశాలు చూపిస్తాం, శ్మశాన వాటికలను అభివృద్ధి చేస్తాం, కాలుష్యాన్ని వెదజల్లే పరిశ్రమలను పారిశ్రామిక వాడలకు తరలిస్తాం, ఆటో రిక్షా, టాక్సీ డ్రైవర్లు మీటర్ల ప్రకారమే నడిపించేలా చర్యలు తీసుకుంటాం, మహిళలకు పూర్తి భద్రత కల్పిస్తాం, ప్రజా సంక్షేమానికి అధిక ప్రాధాన్యతనిస్తాం అని ఇంకా పలు వరాలతో టి.పిసిసి ఎన్నికల ప్రణాళికను విడుదల చేసింది. ‘అప్నా షహర్, సబ్‌కా-షహర్, హమ్ సబ్‌కా షహర్ హైదరాబాద్’ అనే నినాదాన్ని మ్యానిఫెస్టోపై పేర్కొంది. దీంతో పాటు కాంగ్రెస్ ప్రభుత్వ హయాం (2004-14) గోల్డెన్ డికేడ్‌గా పేర్కొంటూ మరో డాక్యుమెంట్‌నూ ఉత్తమ్ ఆవిష్కరించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.