రాష్ట్రీయం
అతిగా మద్యం తాగి ఒకరి మృతి
S ,7 à 8 RSCA (si SASPAS) et 6 cialis pharmacie cialis rapports de stage.
మచిలీపట్నం, డిసెంబర్ 7: కృష్ణా జిల్లా మచిలీపట్నంలో సోమవారం ఒక వ్యక్తి అతిగా మద్యం తాగి మృతి చెందాడు. విజయవాడ కృష్ణలంకలో కల్తీ మద్యం తాగి ఐదుగురు మృతి చెందిన నేపథ్యంలో సాయంత్రం మచిలీపట్నంలో ఇతని మృతి చెందడం తీవ్ర కలకలం సృష్టించింది. అయితే పోలీసులు మాత్రం అతిగా మద్యం తాగటం వల్లే మృతి చెందినట్లు నిర్ధారించారు. చిలకలపూడి ఎస్‌ఐ చంద్రశేఖర్ కథనం ప్రకారం.. మచిలీపట్నం గాంధీనగర్‌కు చెందిన వల్లూరి శ్రీనివాస్(53) రోల్డ్‌గోల్డ్ కార్మికునిగా జీవనం సాగిస్తున్నాడు. మద్యానికి బానిస అయిన శ్రీనివాస్ ఆరోగ్యం ఇటీవల క్షీణించింది. ఆరు నెలల క్రితమే లివర్ దెబ్బతిన్నదని, మద్యం మానకపోతే ప్రాణానికే ప్రమాదం అని వైద్యులు హెచ్చరించారు. అయినా శ్రీనివాసరావు మద్యం మానలేదు. సోమవారం ఉదయం నుండే అతిగా మద్యం తాగాడు. మధ్యాహ్నం సమయంలో కూడా మద్యానికి డబ్బులు కావాలని ఇంట్లో భార్యను అడగ్గా లేవని చెప్పింది. తన సైకిల్‌ను తాకట్టు పెట్టి మరీ మద్యం తాగి ఇంటికి వచ్చిన శ్రీనివాస్ అస్వస్థతకు గురయ్యాడు. హుటాహుటిన జిల్లా ప్రభుత్వ ఆస్పత్రికి తరలించగా అక్కడ చికిత్సపొందుతూ మృతి చెందాడు. అయితే కల్తీ మద్యం తాగి శ్రీనివాస్ మృతిచెందాడని జోరుగా ప్రచారం సాగింది. విషయం తెలుసుకున్న బందరు డిఎస్పీ శ్రావణ్‌కుమార్, చిలకలపూడి సిఐ జనార్థనరావు మృతుని కుటుంబ సభ్యులను విచారించారు. దీనిపై కేసు నమోదు చేసి దర్యాప్తు చేస్తున్నట్లు ఎస్‌ఐ చంద్రశేఖర్ వివరించారు. మృతునికి భార్య, కుమారుడు, కుమార్తె ఉన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.