గుండె పదిలం..

చక్కనమ్మ చిక్కినా ఆందం అని అనుకోవచ్చు. ఇలాంటి వారు నాజుకుగా ఉన్నామని సంబరపడిపోతుంటారు. మహిళల్లోని హార్మోన్ల సమతుల్య లోపం వల్ల ఒక్కొక్క ప్రాంతంలో ఒక్కొక్క విధంగా మహిళల శారీరక ఎదుగుదలలో తేడాలు కనిపించటం ఎంత సహజమో అలాగే గుండె సమస్యలు కూడా వచ్చే అవకాశాలూ లేకపోలేదు. మహిళలకు రుతుస్రావం ఎంత సాధారణమో, అలాగే పాలిసిస్టిక్ ఓవరీ సిండ్రోమ్ అనేది అతి సాధారమైన విషయం. నాలుగు శాతం నుంచి 10శాతం వరకు ఇది ప్రతి మహిళలో ఉంటుంది. యుక్తవయసు రావటంతోనే దీని లక్షణాలు కనిపించటం ప్రారంభమవుతోంది. మహిళల్లో దాదాపు నూటికి ఐదుగురు దీంతో బాధపడుతున్నారని అంచ నా. పునరుత్పత్తి దిశగా నెలనెలా అమ్మాయిలను సన్నద్ధమవ్వటం అనేది నిరంతరం జరిగే ప్రక్రియ. ప్రకృతి సిద్ధం గా సంభవించే ఈ పరిణామం ఎంత సహజంగా అనిపించినా.. ఎన్నో శారీరక మార్పులకు దోహదం చేస్తోంది. కాని పిసీఓఎస్ వల్ల గుండె జబ్బులు, బీపీ వంటి వ్యాధులతో పాటు సంతానం కలగకపోవటానికి కూడా కారణమవుతోంది. మనిషి శరీరంలో అతి ముఖ్యమైన అవయవం గుండె. ఏదైనా చెడువార్త వింటే చాలు గుండె ఆగినంతపనైందని అంటాం. అతి సున్నితమైన ఈ కీలక భాగాన్ని కాపాడుకోవటం మన చేతుల్లోనే ఉంది. మంచి పోషకాహారాన్ని తీసుకోవటం వల్ల గుండెను నాలుగు కాలాలపాటు చక్కగా పదిలంగా ఉంచుకోవచ్చు. పనిచేయించుకోవచ్చు. మనం తినే ఆహారంపై శ్రద్ధ వహించటం ఎంతో అవసరం. అనేకమంది ఆహారం పట్ల అసలు జాగ్రత్తలు అనేవి తీసుకోరు. దీనివల్ల గుండెకు చేటు తెచ్చుకున్నవారం అవుతాం. కాబట్టి కార్డియాక్ డైట్ అనేది పాటించాలి. ఈ ఆహార నియంత్రణ వల్ల గుండె ఆరోగ్యం, పనితీరు మెరుగుపరచడానికి తోడ్పడుతోంది. కార్టియాక్ డైట్ పాటించటం వల్ల రక్తపోటు ఉన్నవారు, మధుమేహ వ్యాధిగ్రస్తులు, కొలెస్ట్రాల్ అధికంగా ఉన్నవారికి ఎంతో ఉపయోగకరం. ఎందుకంటే వీరికి గుండె సమస్యలు అధికంగా వచ్చే అవకాశాలు ఉన్నాయి. ఈ ఆహారం తసుకోవటం వల్ల గుండె జబ్బులు వచ్చే అవకాశాలు తగ్గుతాయి. గుండె ఆరోగ్యాన్ని మెరుగుపర్చడానికి ఎలాంటి ఆహారాలు సహాయపడతాయో చూద్దాం.
పండ్లు, కూరగాయలు
మంచి ఆరోగ్యం సమకూరాలంటే తాజా పండ్లు, కూరగాయలు ఎంతో అవసరం. ఇవి రోగ నిరోధక శక్తిని పెంచుతాయి. శరీరంలోని మంటను తగ్గిస్తాయి. శరీరానికి అవసరమైన పోషకాలను అందిస్తాయి. జంక్‌ఫుడ్స్‌కు బదులుగా ఆరోగ్యకరమైన ఆహారాన్ని ఎంచుకోవడం ద్వారా అనేక గుండె సమస్యలను నివారించుకోవచ్చు.
టమోటా
టమోటాలోని లైకోపీస్ ఒక యాంటీ ఆక్సిడెంట్. ఇది ఫ్రీ రాడికల్స్ ప్రమాదాన్ని నివారిస్తుంది. రక్తప్రవాహాన్ని స్థిరంగా ఉంచుతుంది. కాబట్టి ప్రతి ఒక్కరూ తమ ఆహారంలో టమోటాలు చేర్చటం చాలా ముఖ్యం. టమోటాలో గుండెకు ఆరోగ్యాన్ని అందించే పొటాషియం కూడా అధికంగా ఉంటుంది. ఇవి లైకోపీస్ అనే యాంటీ ఆక్సిడెంట్‌కు దోహదకారి. శరీరంలోని చెడు కొలెస్ట్రాల్‌ను వదిలించుకోవడానికి, రక్తనాళాలను తెరిచి ఉంచడానికి, గుండెపోటు ప్రమాదాన్ని తగ్గించడానికి సహాయపడతాయి. వీటిలో కేలరీలు, చక్కెర కూడా తక్కువగా ఉంటాయి. ఇది గుండెకి సరైన ఆహారం.
ఆకు కూరలు
పాలకూర, బ్రోకలీ, కాలే వంటి ఆకు కూరలలో యాంటీ ఆక్సిడెంట్లు, విటమిన్లు, ఖనిజాలు పుష్కలంగా ఉన్నాయి. విటమిన్ కె, డైటరీ నైట్రేట్లు రక్తపోటును నియంత్రించడానికి, గుండె ఆరోగ్యాన్ని మెరుగుపరచడంలో సహాయపడతాయి.
చేపలు తింటే మంచిది..
గుండెకు మంచి బలాన్ని అందించే ఆహారం చేపలు. ఒమేగా-3లో చేపలు, సాల్మన్, ట్యూనా, మాకేరెల్ పుష్కలంగా ఉన్నాయి. ఈ చేపలు గుండెకు చాలా ప్రయోజనాలు కలిగిస్తాయి. వారానికి కనీసం రెండు లేదా మూడుసార్లు చేపలు తింటే డయాస్లోలిక్ ఒత్తిడి స్థిరంగా ఉంటుంది.
వాల్‌నట్స్
వాల్‌నట్స్‌లో రాగి, మెగ్నీషియం, మాంగనీస్ వంటి సూక్ష్మపోషకాలు పుష్కలంగా ఉన్నాయి. ప్రతిరోజూ స్నాక్స్‌లో కొద్దిగా వాల్‌నట్స్ తినడం వల్ల గుండె జబ్బులు వచ్చే ప్రమాదం తగ్గుతుంది. గుండె ఆరోగ్యం మెరుగుపడుతుంది. ఇది చెడు

కొలెస్ట్రాల్‌ను తగ్గిస్తుంది. అంతేకాదు రక్తపోటును సైతం నియంత్రణలో ఉంచుతుంది.
అవోకాడొలు
అవోకాడోలులో అద్భుతమైన కొవ్వులు ఉన్నాయి. ఇవి గుండె జబ్బుల ప్రమాదాన్ని తగ్గించటంలో సహాయపడతాయి. ఒక అవోకాడోను రోజూ తీసుకోవటం వల్ల చెడు కొలెస్ట్రాల్ లేదా చెడు కొలెస్ట్రాల్ స్థాయిలు తగ్గుతాయని వైద్య సర్వేలు చెబుతున్నాయి.
సిట్రస్ పండ్లు
ఆహారంలో ఫైబర్ అనేది గుండె ఆరోగ్యానికి ఎంతో అవసరం. ఎందుకంటే ఇది గుండె ఆరోగ్యాన్ని కాపాడటానికి చాలా ముఖ్యమైన పోషకం. గుండె ఆరోగ్యం మెరుగుపడాలంటే రోజుకు 10-25 గ్రాముల కరిగే ఫైబర్ తినాలని వైద్యులు సిఫార్సు చేస్తున్నారు. అధిక మొత్తంలో తినేవారికి, నారింజ, ద్రాక్ష పండ్లలో లభించేవారికి ఇస్కీమిక్ స్ట్రోక్ వచ్చే ప్రమాదం 19శాతం తక్కువ. సిట్రస్ పండ్లలో విటమిన్ సి పుష్కలంగా ఉంటుంది. ఇవి తీసుకోవటం వల్ల గుండె జబ్బుల ప్రమాదాన్ని తక్కువగా కలిగివుంటారు.
బెర్రీ పండ్లు
బెర్రీలలో బ్లూబెర్రీస్, స్ట్రాబెర్రీస్, బ్లాక్బెర్రీస్‌లలో అవసరమైన పోషకాలు పుష్కలంగా ఉన్నాయి. ఈ పండ్లలోని ఆంథోసైనిన్లు శరీరంలో మంటను తగ్గిస్తాయి. ఆక్సీకరణ ఒత్తిడి ప్రభావాలను నివారిస్తాయి. కాబట్టి ప్రతిరోజూ కొన్ని బెర్రీలు తినటాన్ని అలవాటుగా చేసుకుంటే ఉపయుక్తం.
నట్స్
విత్తనాలలో ఫైబర్, ఒమేగా-3 కొవ్వు ఆమ్లాలు పుష్కలంగా ఉన్నాయి. అవిసె గింజలు, సోయా విత్తనాలు గుండెకు మంచివి. ఈ విత్తనాలు గుండె సమస్యలను నివారించటంలో సహాయపడతాయి. రక్తంలో చక్కెర, రక్తపోటు, ట్రైగ్లిజరైడ్ స్థాయిల హెచ్చుతగ్గులను నియంత్రించటంలో సహయపడతాయి. బాదం, పిస్తా, వేరుశనగ వంటి గింజలు మీ గుండెకు మంచివి, వాటిలో విటమిన్ ఇ ఉంటుంది. ఇది చెడు కొలెస్ట్రాల్‌ను తగ్గించటంలో సహాయపడుతుంది. అదనంగా వీటిలో ఒమేగా-3 కొవ్వు ఆమ్లాలు అధికంగా ఉంటాయి. ఇవి గుండె ప్రమాదాన్ని తగ్గిస్తాయి.
ఓట్స్‌లో ఫైబర్ అధికం..
ఓట్స్‌లో కరిగే ఫైబర్ అధికంగా ఉంటుంది. ఇది కొలెస్ట్రాల్‌ను తగ్గించడానికి సహాయపడుతుంది. ఇది జీర్ణవ్యవస్థలో స్పాంజిగా పనిచేస్తుంది. కొలెస్ట్రాల్ శరీరం నుంచి పూర్తిగా తొలగించటానికి దోహదం చేస్తుంది. రక్తప్రవాహంలో కలిసిపోదు.
యాపిల్స్
యాపిల్స్‌లో క్వెర్సెటిన్ అధికంగా ఉంటుంది. రక్తం గడ్డకట్టడాన్ని నివారించటంలో సహాయపడే యాంటీ ఇన్ఫ్లమేటరీ లక్షణాలను కలిగివున్న ఫొటోకెమికల్. మీరు అల్పాహారం కోసం లేదా అల్పాహారంగా యాపిల్‌ని తీసుకుంటే గుండెకు ఎంతో ఉపయోగం.
దానిమ్మ
దానిమ్మ పండ్లలో అనేక యాంటీ ఆక్సిడెంట్లు ఉన్నాయి. వీటిలో గుండెను ప్రోత్సహించే ఫాలీఫెనాల్స్, ఆంథోసైనిన్లు ధమనుల గట్టిపడకుండా నిరోధించగలవు. అందువల్ల ఇది గుండె జబ్బులు ఉండేవారికి చాలా మంచిది. ఇలాంటివారు ఒక దానిమ్మను తీసుకుంటే అమ్మలా ఆరోగ్యాన్ని కాపాడుతుంది.
డార్క్ చాక్లెట్లు
డార్క్ చాక్లెట్లు మీ గుండెకు మేలు చేస్తాయి. రోజువారీ చాక్లెట్ల వినియోగం ప్రాణాంతకం. కాని గుండెపోటు, స్ట్రోక్‌ను తగ్గిస్తుంది. డార్క్ చాక్లెట్లలో ప్లేవనాయిడ్లు ఉంటాయి. ఇవి రక్తపోటు, గడ్డకట్టడం, మంటను తగ్గించటంలో సహాయపడతాయి.
రెడ్‌వైన్
రెడ్‌వైన్ మితంగా తాగినప్పుడు గుండెకు చాలా మంచిది. ఇది రెస్వెరాట్రాల్, ప్లేవనాయిడ్లు అనే శక్తివంతమైన యాంటీ ఆక్సిడెంట్‌ను కలిగి ఉంది. ఇది మంచి కొలెస్ట్రాల్‌ను పెంచడం ద్వారా గుండెకు ప్రయోజనం చేకూరుస్తుంది. అలాగే గుండెలో పేరుకుపోయే ఫలకాన్ని నివారించడానికి సహాయపడుతుంది. *
మందులు పిల్లలకు చేటు..
హైపర్‌యాక్టివ్ నియంత్రణ కోసం వాడే మందులు పిల్లల గుండెకు చేటు తెస్తున్నాయని పరిశోధకులు అంటున్నారు. హైపర్‌యాక్టివ్ నియంత్రణ కోసం మందులు వాడినా గుండెకు సంబంధించిన సమస్యలతో బాధపడుతున్నట్లు వెల్లడైంది. ఈ మందులు వల్ల పిల్లలకు గుండె కొట్టుకోవటంలో ఇబ్బందులు, అధిక రక్తపోటు, గుండెపోటు, చిన్నగా స్ట్రోక్స్ రావటం, హార్ట్ ఫెయిల్యూర్ సమస్యలు తలెత్తినట్లు గుర్తించారు. హైపర్‌యాక్టివ్ పిల్లలకు వైద్యులు సూచించిన మందులు వాడటం వల్లే ఈ దుష్పరిణామాలు సంభవించినట్లు గుర్తించారు. పిల్లలకు ఇలాంటి మార్పులు, సమస్యలు తలెత్తినట్లు పరిశోధకులు గుర్తించారు. కాబట్టి ఈ వ్యాధితో బాధపడే పిల్లలకు ఈ మందులు సూచించకుండా కాపాడాలని వైద్యులను కోరుతున్నారు. ఈ మందులు చిన్నారుల గుండెపై తీవ్ర ప్రభావం చూపుతున్నందున తక్షణమే ఆపేస్తే మంచిదని కూడా వారు అంటున్నారు.