మంచి మాట
గాయత్రి మంత్రము
S ,7 à 8 RSCA (si SASPAS) et 6 cialis pharmacie cialis rapports de stage.
గాయత్రీ మంత్రము విశిష్టతను ఉపనిషత్తులు, బ్రాహ్మణాలు ఎంతగానో చాటుతున్నాయి. గాయత్రీ మంత్రము మనకు ఋగ్యజుస్సామ వేదాలలో లభ్యమగుచున్నది. సృష్టిలో అన్నింటికంటే మహోన్నతమైనది జ్ఞానం. జ్ఞానం చేతనే మనకు ముక్తి లభిస్తుంది. జ్ఞానాన్ముక్తిః కావున స్తుతి ప్రార్థనోపాసన మాత్రంగా గాయత్రీ ప్రాముఖ్యతను సంతరించుకున్నది.
‘గాయత్రీ’ అనగా గాయన్తం త్రాయతే ఇది గాయత్రీ’ (నిరుక్తం) ప్రతిదినము శ్రద్ధతో, ఏకాగ్రతతో గాయత్రీ మంత్రమును జపించినచో సర్వకాల సర్వావస్థలయందు అది మనలను రక్షించును. గాయత్రీ యందు రక్షణ శక్తి నిండి ఉన్నందువలన పరిపూర్ణ సుఖమునొందుదురు. స్ర్తి పురుషులు గాయత్రీ మంత్రం ద్వారా పరమాత్మను చేరగలరు. ఈ లోకాన్ని గాయత్రీ మాతయే రక్షిస్తున్నది. గాయత్రియే పృధ్వీ, భగవతియై మనలను కంటికి రెప్పలా కాపాడుతున్నది. వేయేల, గాయత్రి యందే ప్రపంచమంతా ప్రతిష్ఠితమై ఉన్నది.
పూలలోని మకరందం తేనెయైనట్లు పాలలోని పటుత్వం నేయి అయినట్లు, అన్నసారము రక్తమైనట్లు సర్వవేదముల సారము గాయత్రియే. కావున పాపనాశనియైన గాయత్రి వేదమాతయైనది. ఇది తెలిసికొన్నవారు జీవన్ముక్తులగుదురు. గాయత్రీ మంత్రము ధ్యానము చేయువారిని ఆ దేవి కాపాడుతుంది. అంతేకాదు గాయత్రీ జపము కోరికలన్నింటిని తీరుస్తుంది. మహాపురుషులైనవారు వారి అనుభవ సారముతో గాయత్రీ మహిమను ఎంతో చక్కగా విడమరచి వివరించారు. గాయత్రీ జపము భవ బంధములను త్రెంచి బ్రహ్మ సాయుజ్యమును చేకూర్చుతుంది. ఎందుకనగా గాయత్రీ మంత్ర పఠనముల భవ బంధములను ఛేదించి మోక్షమార్గాన్ని ఏర్పరచుతుంది. పాపాలు దూరమై దీర్ఘాయువు కలుగుతుంది. ఈ మంత్ర స్మరణతో మనకు విశిష్టమైన శక్తి కలిగి సద్బుద్ధి అలవడి ఆత్మకు తేజస్సు చేకూరుతుంది. గాయత్రీ జపమువలన సద్బుద్ధి అలవడి ఆత్మకు తేజస్సు చేకూరుతుంది. గాయత్రీ జపమువలన సమస్త సంకటములు మాయమై తపము, యోగము, సాధనము సిద్ధించి అనంతమైన శక్తి లభిస్తుంది.
మహాభారతములోని అనుశాసన పర్వంలో భీష్మ పితామహుడు ధర్మరాజునకు గాయత్రీ మహాత్మ్యాన్ని ఎంతో చక్కగా వివరిస్తాడు. యుధిష్ఠిరా! ఎవరు చిత్తశుద్ధితో గాయత్రీ జపం చేస్తారో వారికి సకల సంపదలు సమకూరుతాయి. దేశ విదేశాలలో కీర్తి ఇనుమడిస్తుంది. పంచభూతాలు, రాక్షసులు, యక్షులు, కినె్నరులు, గంధర్వులు వారికి ఎలాంటి హాని కలిగించరు. ఆలమందలో గాయత్రీ మంత్రాన్ని పఠిస్తే గోసంపద అభివృద్ధి చెందుతుంది. సర్పాలు, విషజంతువులు దూరంగా పారిపోతాయి. రఘు వంశ రాజులు, చంద్ర వంశరాజులు, సప్తఋషులు, ధృవుడు మొదలగు వారంతా గాయత్రీ మంత్రాన్ని జపించి ప్రశాంతతో కాలము గడిపి కీర్తినార్జించారు. అందుకే కృష్ణ్భగవానుడు భగవద్గీతలో ‘గాయత్రీ ఛందసామహమ్’ అన్నాడు. అంటే ఛందస్సులలో గాయత్రీ ఛందస్సును నేను అని విశదపరచాడు. ఋగ్యజుస్సామ మూడు వేదాలలోని గాయత్రీ మంత్ర మహిమ ఎంత గొప్పదో నాల్గ వేదమైన అధర్వణ వేదం తెలియజేస్తుంది. ఇది అనంతమైనదే కాక మహాశక్తివంతమైనది. సుసంపన్నమైనది.
గాయత్రీ మంత్రమును గురుమంత్రమని, సావిత్రీ మంత్రమనీ కూడా వ్యవహరిస్తారు. స్మరించేవారిని రక్షిస్తుంది. కనుక గాయత్రీ మంత్రమని సృష్టికర్తయైన పరమేశ్వరున్ని ఉపాసించుటకు ఉత్తమమైన మంత్రము గనుక సావిత్రీ మంత్రమని, సమస్త మానవ లోకానికి ఆ భగవంతుడే ప్రథమ గురువుగా నుండి మనము తరించు మార్గాన్ని చూపించుటకు ఉపదేశించిన మంత్రంగాబట్టి గురుమంత్రమైనది. మంత్రం చిన్నదైనా అర్థం అనంతం. గాయత్రీ మంత్రము ముఖ్యంగా మనకు జ్ఞానాన్ని ప్రసాదిస్తుంది. ప్రపంచంలో జ్ఞానాన్ని మించిన వస్తువు మరొకటి లేదు. జ్ఞానంతోనే అన్నింటిని సంపాదించుకోగలుగుతాము.
Related Articles
(నిన్నటి సంచిక తరువాయి)
భోజనం వడ్డించమని అడిగాడు పోతన తన భార్యతో. ఆమె చోద్యంగా చూస్తూ ‘అదేమిటండీ! ఇప్పుడే కదండీ భోజనం చేసి వెళ్లారు. మళ్లీ భోజనం అంటున్నారు? మళ్లీ అప్పుడే ఆకలయిందా’ అని నవ్వుతూ అడిగింది ఆ సాధ్వీమణి.
నాటకం/నాటిక సంపూర్ణంగా పండాలంటే అందులో సమష్టి కృషి ఉంటుంది. ఒక దర్శకుడు, ఒక నటుడు, ఒక నటి, ఒక సంగీత దర్శకుడు... ఇలా... అంతా వారి వారి బాధ్యతల్లో నూటికి నూరుపాలు మమేకమైనప్పుడే ఫలితం చేతికందుతుంది. కాని, నాటకం ఇంతగా అందరినీ ఆకట్టుకోవాలంటే వీరే కాదు తెరవెనుక వాళ్లూ కావలసిందే.
నూకల చిన్న సత్యనారాయణ ‘త్యాగరాజ సారస్వత సర్వస్వం’ (900 పేజీలు), ‘వాగ్గేయకార కృతి సాగరం (రెండు భాగాలు), వంటి ఉద్గ్రంథాలలో వివిధ వాగ్గేయకారుల 1500 వందల వరకూ కృతులను ‘సాహిత్య స్వర’ బద్ధంగా, మూర్ఛన, స్వర, రాగ, తాళ విభజనాది సూచికలతో సర్వ సమగ్రంగా నూకల సంగీత ప్రపంచానికి అందించారు.
కడుపు నిండిన మనిషి మానసికానందం కోసం వెంపర్లాడాడు. ప్రకృతి వైపు పరవశించి చూశాడు. గాలికి ఆకు కదిలితే తాను తన చేయిని కదిలించాడు. గాలికి ఎండుటాకు గలగలమంటే తన గళాన్ని సరిచేసుకొని దాన్ని అనుసరించాడు. ఇలా చేస్తూ చేస్తూ మాట్లాడడం తన పూర్వీకులు గురించి తెలుసుకొన్నాడు. తాను అబ్బురం చెందాడు.
ఒక్క భారతదేశంలో మాత్రమే వినోద కార్యకలాపాల్లో చోటుచేసుకున్నది ఈ ‘ది గ్రేట్ ఇండియన్ రోప్ ట్రిక్!’ ఇప్పుడు దాదాపుగా కనుమరుగైపోయిన ఈ విద్య 19వ శతాబ్దానికి ముందుది అని కొందరు, తొమ్మిదో శతాబ్దం నుంచే ప్రజలను అలరారుస్తోందని వివరించే కథనాలు కూడా ఇప్పటికీ వినిపిస్తూనే ఉంటాయి. అంతేకాదు...