బిజినెస్
సెన్సెక్స్ కు ఐటిసి సెగ
S ,7 à 8 RSCA (si SASPAS) et 6 cialis pharmacie cialis rapports de stage.
108 పాయింట్లు పతనం
వరుసగా నాలుగోరోజూ నష్టాలకే పరిమితం
పొగాకు ఉత్పత్తులపై జిఎస్‌టి కమిటీ ప్రతిపాదనలతో దెబ్బ
6.5 శాతం దిగజారిన ఐటిసి షేర్ విలువ
ముంబయి, డిసెంబర్ 7: దేశీయ స్టాక్ మార్కెట్లు సోమవారం నష్టాల్లో ముగిశాయి. అంతర్జాతీయ స్టాక్ మార్కెట్లు లాభాలను అందుకున్నప్పటికీ ఆ ప్రభావం దేశీయ సూచీలపై అంతగా పడలేకపోయింది. దీంతో వరుసగా నాలుగు రోజులపాటు భారతీయ స్టాక్ మార్కెట్లు నష్టాలపాలైనట్లైంది.
పొగాకు ఉత్పత్తులపై అధిక పన్నుల సిఫార్సుపై నెలకొన్న ఆందోళనలతో బహుళ వ్యాపార దిగ్గజం ఐటిసి షేర్ విలువ 6.5 శాతం దిగజారింది. ఇది బాంబే స్టాక్ ఎక్స్‌చేంజ్ సూచీ సెనె్సక్స్ నష్టాలను పెంచింది. సెనె్సక్స్ 108 పాయింట్లు కోల్పోయి 25,530.11 వద్ద నిలిచింది. నేషనల్ స్టాక్ ఎక్స్‌చేంజ్ సూచీ నిఫ్టీ 16.50 పాయింట్లు పడిపోయి 7,765.40 వద్ద స్థిరపడింది. వస్తు, సేవల పన్ను (జిఎస్‌టి)పై ఏర్పాటైన కమిటీ.. పాన్ మసాలా, పొగాకు, పొగాకు సంబంధిత ఉత్పత్తులపై పన్నును దాదాపు 40 శాతం పెంచాలని కేంద్ర ప్రభుత్వానికి సిఫార్సు చేసింది. ఇది ఐటిసి షేర్లను అమ్మకాల ఒత్తిడికి గురి చేయగా, సెనె్సక్స్ నష్టాల్లో అత్యధిక శాతం దీని ఫలితమే. కాగా, ఆయా రంగాల వారీగా ఎఫ్‌ఎమ్‌సిజి, విద్యుత్, మెటల్, చమురు, గ్యాస్, ఆటో రంగాల షేర్ల విలువ 2.45 శాతం నుంచి 0.20 శాతం వరకు క్షీణించింది. హెల్త్‌కేర్ షేర్ల విలువ మాత్రం 0.77 శాతం పెరిగింది. అంతర్జాతీయంగా ఆసియా మార్కెట్లలో చైనా, జపాన్, సింగపూర్, తైవాన్ సూచీలు 0.34 శాతం నుంచి 0.99 శాతం వరకు ఎగబాకితే, హాంకాంగ్, దక్షిణ కొరియా సూచీలు మాత్రం 0.15 శాతం, 0.54 శాతం చొప్పున నష్టపోయాయి. ఐరోపా మార్కెట్లలో ఫ్రాన్స్, జర్మనీ, బ్రిటన్ సూచీలు 0.61 శాతం నుంచి 1.77 శాతం మేర పుంజుకున్నాయి.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.