బిజినెస్
పెట్టుబడుల ఉత్సాహం
S ,7 à 8 RSCA (si SASPAS) et 6 cialis pharmacie cialis rapports de stage.
మళ్లీ 26వేల స్థాయికి సెన్‌సెక్స్
వరుసగా మూడో వారం లాభాల్లో సూచీలు
వారాంతపు సమీక్ష
ముంబయి, జనవరి 2: దేశీయ స్టాక్ మార్కెట్లు గడచిన వారం లాభాల్లో ముగిశాయి. దీంతో వరుసగా మూడో వారం లాభాలను అందుకున్నట్లైంది. ఫలితంగా అంతకుముందు నష్టాలతో కోల్పోయిన స్థానాలను సూచీలు తిరిగి చేరుకోగలిగాయి. బాంబే స్టాక్ ఎక్స్‌చేంజ్ సూచీ సెన్‌సెక్స్ 26వేల స్థాయిని తాకగా, నేషనల్ స్టాక్ ఎక్స్‌చేంజ్ సూచీ నిఫ్టీ 7,900 స్థాయిని అధిగమించింది. మొండి బకాయిలను ఈ ఏడాది తగ్గించుకోవడంపై బ్యాంకులు దృష్టి పెట్టాలని రిజర్వ్ బ్యాంక్ ఆఫ్ ఇండియా (ఆర్‌బిఐ) గడువు నిర్దేశించడంతోపాటు వస్తు, సేవల పన్ను (జిఎస్‌టి)ను అమలు చేసి వ్యాపార నిర్వహణను మరింత సులభతరం చేస్తామని కేంద్ర ఆర్థిక శాఖ మంత్రి అరుణ్ జైట్లీ నూతన సంవత్సరం సందర్భంగా ఇచ్చిన హామీ మార్కెట్ సెంటిమెంట్‌ను పెంచాయి. అలాగే హేతుబద్ధీకరిస్తున్న ప్రత్యక్ష పన్నులు.. మదుపరులలో విశ్వాసాన్ని నింపాయి. ఈ క్రమంలోనే సెన్‌సెక్స్ 322.19 పాయింట్లు పుంజుకుని 26,160.90 వద్ద ముగియగా, నిఫ్టీ 102.15 పాయింట్లు పెరిగి 7,963.20 వద్ద స్థిరపడింది. ఇక గడచిన మూడు వారాల్లో సెన్‌సెక్స్ 1,116.47 పాయింట్లు, నిఫ్టీ 352.75 పాయింట్లు వృద్ధి చెందాయి. రియల్టీ, పవర్, ఆటో, పిఎస్‌యు, చమురు, గ్యాస్, హెల్త్‌కేర్, బ్యాంకింగ్ రంగాల షేర్ల విలువ 2.92 శాతం నుంచి 1.26 శాతం పెరిగింది. రిటైల్ మదుపరుల నుంచి కొనుగోళ్లు చెప్పుకోదగ్గ స్థాయిలో జరగడంతో స్మాల్-క్యాప్ 1.79 శాతం, మిడ్-క్యాప్ 2.06 శాతం చొప్పున పెరిగాయి. టర్నోవర్ విషయానికొస్తే గడచిన వారం బిఎస్‌ఇ 13,281.81 కోట్ల రూపాయలుగా, ఎన్‌ఎస్‌ఇ 75,637.11 కోట్ల రూపాయలుగా ఉంది. అంతకుముందు వారం బిఎస్‌ఇ టర్నోవర్ 10,972.22 కోట్ల రూపాయలుగా, ఎన్‌ఎస్‌ఇ టర్నోవర్ 55,905.22 కోట్ల రూపాయలుగా ఉంది. గడచిన వారం విదేశీ పోర్ట్ఫోలియో మదుపరులు (ఎఫ్‌పిఐ) 1,967.01 కోట్ల రూపాయల విలువైన షేర్లను కొనుగోలు చేశారు. ఈ మేరకు మార్కెట్ రెగ్యులేటర్ సెబీ గణాంకాలు స్పష్టం చేస్తున్నాయి.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.