రాజమండ్రి

తలచుకొని తరిస్తాం (మనోగీతికలు)

S ,7 à 8 RSCA (si SASPAS) et 6 cialis pharmacie cialis rapports de stage.

Published Monday, 26 September 2016

వేల కొద్ది మార్లు జోకొట్టి
వేన వేల సార్లు జోల పాడిన
అమ్మ గురించి
ఒక మాట
అమ్మకోసం
జాలి పాట పాడం

గోరుముద్దలు తినిపించి
గోముతనం చూపించి
గారాం చేసిన
అమ్మ గురించి
గొప్పమాట
అది తప్ప
ఏమి చెప్పం

గుక్కపట్టి ఏడ్చినపుడు
గుండెకు హత్తుకొని
పాలిచ్చి ఓదార్చింది అమ్మ
ఆమె ఔదార్యం గురించి తప్ప
అది మానేసి మరేం చెప్పం

ఆకలి తీర్చింది అమ్మ
ఆనందం చేసింది అమ్మ
మాటలు పేర్చని మమతలు చూపి
మాధుర్యపు రుచులు తినిపించి
అనురాగపు అర్ధాల్ని చెప్పి
అనుబంధాల ఆత్మీయతకు
అపురూపాల నెలవయింది అమ్మ
అలాంటి అమ్మను వదిలేసి
మరేం చెప్పం

అమ్మ గురించి దిగులు ఆవహిస్తేనే
ఆమె జ్ఞాపకం ఒక మధుర స్వప్నం

అమ్మను తలచి విలపించం
ఆమెను తలచుకొని తరిస్తాం
అమ్మ ఒక మధుర జ్ఞాపకం

మాలో ఉన్న అమ్మ
మాతో ఉండిన అమ్మ
మా దగ్గర లేదని ఎలా చెప్పం

అమ్మ మాలో ఉంది
అమ్మ మాతో ఉంటుంది
అమ్మ గురించి మరో మాటలేదు
మానవతను ఇచ్చిందే అమ్మ
మహిమ పరచమనే చెప్పింది
అమ్మను మరచి ఇక మరోమాట చెప్పలేం

అందుకే అమ్మకు
దివ్యత్వం సిద్ధించింది
అమ్మను దైవత్వం వరించింది

- అనంత్
సెల్: 8985959638
**

మనిషే! కాని...
దండలు వేస్తాడు!
దండాలు పెడతాడు
దీపాలు వెలిగిస్తాడు!
ధూపాలు వేస్తాడు
పూలు పెడతాడు! పూజలు చేస్తాడు
లక్షలకు లక్షలు హుండీలో వేస్తాడు
కోటి కోరికల చిట్టా విప్పుతాడు
అడగని అంతర్యామికి ఆర్భాటం
అడుక్కునే వాడికి మాత్రం రిక్తహస్తం
మానవుడే మాధవుడనిన
ఆ మాధవుని మాటనే నమ్మడేమిటి?
-హైమవతీ సత్య, వేల్పూరు

విజయాలతో అభిషేకిద్దాం
భుజాలపై ఎక్కించుకున్నప్పుడు
భవిష్యత్ శిఖరాలని అధిరోహించడం నేర్పాడు
వేలు పట్టుకు నడిపించినప్పుడు
లక్ష్యి సాధనలో వేలమైళ్లు దాటడమెలాగో చూపాడు
నాన్న జీవితం తెరిచిన పుస్తకం
పిల్లలే ఆయన కలలకి ఆది, అంతం
ఆ ప్రేమాభిమానాలకు అభివందనం చేద్దాం
ఉప్పొంగిపోయే విజయాలతో అభిషేకం చేద్దాం!
- జి.దుర్గాదేవి, బిఎస్సీ సెకండియర్
**
ప్రేమమయం చేద్దాం

నేనెప్పుడూ
యుగాల నించీ
నిన్నూ, ఈ ఆలోచనలనూ
ఆహ్వానిస్తూనే ఉన్నాను
నాకు తెలుసు నువ్వు నాలాలేవని
నాకు తెలుసు నువ్వు నేనుకాదని
బాహ్యంగా మన ఆకారాలు వేరని
అంతర్గతంగా మన వికారాలు వేరని!

నాకు తెలుసు
నువ్వూనేను వేర్వేరు కొమ్మలని
నాకు తెలుసు
నీలో ప్రవహిస్తున్న రక్తం గ్రూపువేరని
అయినా నిన్ను నేను ఆహ్వానించాను
హృదయానికి హత్తుకున్నాను
ఆలోచనలు వేరైనా
మనం మనుషులమే కదా
మన ఆలోచనలేమైనా
మనం పీల్చేగాలి ఒకటే కదా
మనం తాగేనీరు ఒకటే కదా
మనలో వున్న చైతన్యం ఒకటే కదా
అది చూడడం నేర్చుకో
నీలో వున్న అసహనం పోతుంది!
అది హృదయంలో ప్రతిష్ఠించుకో
నీలోవున్న అహంకారం నశిస్తుంది
యుగయుగాలనించి
నేను నీకు ఇదే నేర్పాలని ప్రయత్నం చేస్తున్నా
రా, ఈలోకాన్ని నందనవనం చేద్దాం
రా, ఈవిశ్వాన్ని సుందరంగా తీర్చిదిద్దుతాం
నీలోని నాలోని ప్రేమరంగులని అద్ది
ఈ ప్రకృతికి కొత్త అందాలనిద్దాము
నీలోని నాలోని అసహనాన్ని పెకిలించేసి
ఈ ఆకాశాన్నీ అవనినీ శాశ్వతం చేద్దాము!!
- డాక్టర్ మోపిదేవి విజయగోపాల్, సెల్: 9490679570