మన జెండాకు వందనం! (మనోగీతికలు)

ఎందరో మహానుభావుల త్యాగఫలం
మన త్రివర్ణ జెండా
అందుకే ప్రతి ఒక్క భారతీయుడిలో
ఉండాలి నిజమైన దేశభక్తి గుండె నిండా
మూడు రంగుల జెండాయే కదరా
సమస్త భారతీయులకు అండ
నీతి నిజాయితీలతో ప్రతి ఒక్కరు మెలగాలి
అప్పుడే కదా దేశఖ్యాతి పాకుతుంది
ఖండాంతరాల గుండా
దేశ గౌరవాన్ని సాంప్రదాయాలను కాపాడే ఈ జెండాయే మనకు చల్లని నీటికుండ
మనమంతా ఒక్కటై బతకాలి
జాతి, మతం, కులం అని తిట్టుకోకుండా
తెలుగు తల్లికి మల్లెపూదండ
నేటి బాలలే రేపటి పౌరులు
వారే మన దేశానికి బంగారు కొండ
నాగాస్త్రం నాగు, వడ్లపూడి.
సెల్ : 9966023970.

చొరవగా దూకకపోతే.....
ఎప్పటివరకు
ఎదురుచూడాలో తెలిస్తే
ఆశను నిలుపుకోవచ్చు
ఎటువంటి
ప్రయత్నాలు చేయాలో
ఊహించ గలిగితే
ఆరాటపడవచ్చు
కానీ....
ఏ ప్రయత్నం లేకుండా
ఆశపడుతూ కూర్చుంటే
చర్మం ముడతలు పడిపోతుంది
ఆ తరువాత
ప్రయత్నం వెంట
ఒడిఒడిగా పరుగులు తీసినా
ఫలితం అందేసరికి
ప్రాణం కొడిగట్టిపోతుంది
కాబట్టి
అనుకున్నదే తడవుగా
ఆలోచనలకు పదును పెట్టాలి
అవకాశం చిక్కగానే
లక్ష్యాన్ని ఛేదించాలి
సరికొత్త ఆలోచనలతో
ప్రతి నిత్యం
నిన్ను నీవు ఆవిష్కరించుకోవాలి
అప్పుడే విజయం పలకరిస్తుంది
శిఖరం అందుతుంది
విజేతగా నిలిచి
స్ఫూర్తిదాతలమవుతాం!
- గగనం శ్రీనుకుమార్,
పెద్దరామకోవెల దగ్గర,
పాతవీధి, యలమంచిలి,
విశాఖజిల్లా.
సెల్ : 8008262514.

ఆహ్వానం
నవరక్తానికి జవసత్వాలీయగ
మహిమత్వానికి మార్గం చూపగ
విద్యార్థి మొక్కలకిప్పుడు
విజ్ఞాన దాహం విలువను నేర్పేవారు కావాలి
నైతిక, మానవతా పాదాలతో
ప్రగతిదారుల పరుగులు పెట్టించే
ఆనందతీరాలకు చేర్పించే
శాంతిపూల పంటను పండించే
ఆచార్య కర్షకులు కావాలి
సమాజం నిండా
దివ్య పరిమళాలను వ్యాప్తి చేసే
చందన శ్రీలు కావాలి
గడ్డి పరకలను గట్టిపరిచే
ఆశాంహకార చెదలను దులిపే
ప్రయోజక వైతాళికులు కావాలి
అపుడే
జీవనక్రాంతి నక్షత్రమై మెరిసేది
రెపరెపలాడే జెండా రెప్పల్లో
దాగున్న స్వప్నం విరిసేది
- జె.బి. తిరుమలాచార్యులు, సాలూరు.
సెల్ : 9966229136.
తెలుగు వెలిగించండి!
నా మాతృభాష తెలుగు....
నాకు దారిచూపే వెలుగు.....
నా తెలుగు తేనెలూరే భాష....
తెలుగు అక్షరములు అజంతములు....
తెలుగు పదములు జయంతమ్ములు...
తెలుగు జవసత్వాలు కలది....
తెలుగు సున్నిత సుకుమార వెలది...
అమ్మానాన్న అన్నది కమ్మనైన పిలుపు....
సంతానపు ఆత్మీయత అది తెలుపు...
ఆంధ్రుల్ని తెలుగులో పలకరించండి....
నమస్కార సంస్కారంతో పులకరించండి...
సుమధుర తెలుగులో భాషిస్తూ
ఆత్మీయ ఆప్యాయతని చిలకరించండి...
తెలుగు పద్యాలూ జాతీయాలూ
సామెతల సొగసుల్ని
భావితరానికి వివరించండి...
అమృతతుల్య మాతృభాషని
మృతప్రాయం చెయ్యకండి...
పరభాషా వ్యామోహంలో
అస్తిత్వాన్ని వీడకండి!
- జోగారావు గుండాన,
సెల్ : 9490185708.