రాష్ట్రీయం
మీ మైండ్‌సెట్ మారాలి
S ,7 à 8 RSCA (si SASPAS) et 6 cialis pharmacie cialis rapports de stage.
కార్పొరేట్ ఆస్పత్రుల తీరుపై గవర్నర్ ఆగ్రహం
పేదలను దోచుకునే వైఖరికి స్వస్తి చెప్పండి
అనవసరంగా పరీక్షలు చేయడం తగదు
గ్రామీణ ప్రాంతాలపై నిర్లక్ష్యం ఎందుకు?
డాక్టర్ల వైఖరిని దునుమాడిన నరసింహన్
చికిత్స వ్యయం నియంత్రణపై సదస్సు నిర్వహిస్తానని వెల్లడి
హైదరాబాద్, డిసెంబర్ 12: గవర్నర్ నరసింహన్ కార్పొరేట్ ఆస్పత్రుల వైఖరిపై మండిపడ్డారు. పేదప్రజలను దోచుకునే వైఖరిని ఇకనైనా విడనాడాలని హితవు చెప్పారు. ఎంబిబిఎస్ చదివిన డాక్టర్లు గ్రామీణ ప్రాంతాలకు వెళ్లి వైద్య సేవలు ఎందుకు అందించడం లేదని ప్రశ్నించారు. డాక్టర్లు మానవతా దృక్పథంతో ఉండాలన్నారు. కార్పొరేట్ ఆసుపత్రులు కమర్షియల్ మైండ్‌సెట్ నుంచి బయటపడాలని సూచించారు. శనివారం ఇక్కడ బంజారాహిల్స్‌లోని బసవ తారకం ఇండో అమెరికన్ క్యాన్సర్ ఆసుపత్రి రీసెర్చి ఇనిస్టిట్యూట్‌లో రెండు రోజుల 13వ అఖిల భారత కేన్సర్ కేర్ సదస్సును ఆయన ప్రారంభించారు. ఈ సందర్భంగా ఆయన మాట్లాడుతూ వైద్య వృత్తి ఎంతో గొప్పదని, రోగి పరిస్ధితిని అర్ధం చేసుకుని సానుభూతి చూపించాల్సిన అవసరం ఉందని అన్నారు. ఔదార్యం అనేది మందుల కన్నా ఎక్కువగా రోగాన్ని తగ్గిస్తుందన్నారు. పేషెంట్లకు ధైర్య వచనాలు చెప్పేందుకు కూడా డాక్టర్లు సమయం వెచ్చించడం లేదని గవర్నర్ ఆవేదన వ్యక్తం చేశారు. దేశాన్ని వేధిస్తున్న ఐదు భయంకర వ్యాధులను గుర్తించి వాటిని సమూలంగా నిర్మూలించడానికి కార్పొరేట్ ఆసుపత్రులు తమ సామాజిక బాధ్యత నిధి నుంచి నిధులు కేటాయించాలని సలహా ఇచ్చారు. పెరిగిపోతున్న చికిత్స వ్యయాన్ని నియంత్రించడంపై తాను స్వయంగా త్వరలోనే రాష్ట్రంలోని అన్ని కార్పొరేట్ ఆసుపత్రులతో సదస్సును ఏర్పాటు చేస్తానన్నారు. ఇప్పటికైనా కార్పొరేట్ ఆసుపత్రులు రోగుల చికిత్సకయ్యే ఖర్చును పారదర్శకంగా అందరకూ తెలిసే విధంగా పద్ధతులను అవలంబించాలన్నారు. చక్కెర వ్యాధి లేని ఒక వ్యక్తికి చక్కెర వ్యాధి ఉందా లేదా తెలుసుకునేందుకు వారం రోజుల్లో 28 పరీక్షలు చేస్తున్న విషయం విచారకరమన్నారు. అనవసరంగా వైద్య పరీక్షలు నిర్వహించడం తగదన్నారు. వైద్యులు నైతిక నియమావళిని పాటించాలన్నారు. వైద్యులు దేవుడితో సమానమని, రోగులకు ఎల్లవేళలా అందుబాటులో ఉండాలని చెప్పారు.బసవ తారకం ఆసుపత్రి కార్యనిర్వాహకులు ఆర్‌పి సింగ్ మాట్లాడుతూ 1,85,000 మందికి పరీక్షలు నిర్వహించినట్లు చెప్పారు. క్యాన్సర్ కేర్ ఇండియా అధ్యక్షులు డాక్టర్ జెకె సింగ్ మాట్లాడుతూ సాలీనా పది లక్షల మంది కొత్త క్యాన్సర్ రోగులు నమోదవుతున్నారన్నారు. బిఐఏసిహెచ్ డైరెక్టర్ డాక్టర్ టిఎస్ రావు, ప్రధాన కార్యదర్శి రేణు సైగల్ పాల్గొన్నారు. దేశ, విదేశాల నుంచి క్యాన్సర్ నిపుణులు ఈ సదస్సుకు హాజరయ్యారు. (చిత్రం) బసవ తారకం ఇండో అమెరికన్ క్యాన్సర్ ఆసుపత్రి రీసెర్చి ఇనిస్టిట్యూట్‌లో 13వ అఖిల భారత కేన్సర్ కేర్ సదస్సును జ్యోతి వెలిగించి ప్రారంభిస్తున్న గవర్నర్ నరసింహన్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.