జాతీయ వార్తలు
రాజీవ్ గాంధీ హత్య కేసు తమిళనాడు రివ్యూ పిటిషన్‌ను తిరస్కరించిన సుప్రీంకోర్టు
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, ఫిబ్రవరి 8: రాజీవ్ గాంధీ హత్య కేసులో దోషులకు క్షమాభిక్ష పెడుతూ తమిళనాడు ప్రభుత్వం తీసుకున్న నిర్ణయాన్ని కొట్టివేస్తూ గతంలో సుప్రీంకోర్టు ఇచ్చిన తీర్పును పునస్సమీక్షించాలని కోరుతూ తమిళనాడు ప్రభుత్వం, ఈ కేసులో మరణ శిక్ష పడిన ఎజి పేరారివేలన్ అలియాస్ అరివు దాఖలు చేసుకున్న పిటిషన్లను సుప్రీంకోర్టు కొట్టివేసింది. ఇలాంటి కేసుల్లో నేరస్థులను విడుదల చేసే ముందు రాష్ట్రాలు కేంద్ర ప్రభుత్వం అనుమతి తీసుకోవాలని అయిదుగురు సభ్యులతో కూడిన సుప్రీంకోర్టు ధర్మాసనం 2015లో ఇచ్చిన తీర్పులో స్పష్టం చేసిన విషయం తెలిసిందే. అయితే ఈ తీర్పును పునస్సమీక్షించాలని కోరుతూ తమిళనాడు ప్రభుత్వం, పేరారివేలన్ రివ్యూ పిటిషన్లను దాఖలు చేశారు. అయితే ఈ రెండు పిటిషన్లు కూడా రివ్యూ పిటిషన్లను దాఖలు చేసుకోవడానికి ఉన్న ఆరునెలల గడువు దాటిన తర్వాత దాఖలు చేశారన్న కారణంపై ప్రధాన న్యాయమూర్తి జస్టిస్ జెఎస్ ఖేహర్ నేతృత్వంలోని అయిదుగురు న్యాయమూర్తుల ధర్మాసనం వాటిని తోసిపుచ్చింది. విపరీత జాప్యానికి చూపించిన కారణాలు కూడా సంతృప్తికరంగా లేవని బెంచ్ అభిప్రాయ పడింది. ఈ కారణంపైనే పిటిషన్లను తిరస్కరించే అవకాశం ఉన్నప్పటికీ రివ్యూ పిటిషన్లను, తీర్పును, దానికి సంబంధించిన పత్రాలను జాగ్రత్తగా పరిశీలించామని, తీర్పును పునస్సమీక్షించాల్సిన అవసరం లేదనే నిర్ధారణకు వచ్చామని న్యాయమూర్తులు పిసి ఘోస్, ఎస్‌ఏ బోబ్డే, ఎఎం సప్రే, యుయు లలిత్‌లతో కూడిన ధర్మాసనం అభిప్రాయ పడింది.
మంగళవారం బెంచ్ ప్రకటించిన ఈ తీర్పును బుధవారం సుప్రీంకోర్టు వెబ్‌సైట్‌లో ఉంచారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.