జాతీయ వార్తలు
మరుగునపడుతున్న మాండలికాలు
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, ఫిబ్రవరి 18: ఒకపక్క భాషలను వాటితో ముడిపడివున్న మాండలికాలను పరిరక్షించుకునే ప్రయత్నాలను ప్రభుత్వాలు చేపడుతున్న నేపథ్యంలో దేశంలో 40కి పైగా భాషలు, మాండలికాలు కరుమరుగైపోతున్నాయని అధికార వర్గాలు వెల్లడించాయి.
అతికొద్దిమంది మాత్రమే ఈ మాండలికాలను మాట్లాడే పరిస్థితులు నేడు నెలకొన్నాయని పేర్కొన్న అధికారులు వీటిని తక్షణ ప్రాతిపదికన పరిరక్షించుకోకపోతే వాటి ఉనికే కాలగర్భంలో కలిసిపోయే అవకాశం ఉంటుందని హెచ్చరించారు. సెన్సస్ డైరెక్టరేట్ రూపొందించిన నివేదిక ప్రకారం లక్ష, అంతకుమించి జనం మాట్లాడే భాషలు షెడ్యూల్డ్ భాషల్లో 22, నాన్ షెడ్యూల్డ్ భాషల్లో వంద ఉన్నాయని స్పష్టమవుతోంది. అలాగే పదివేల మంది కంటే తక్కువ మంది మాట్లాడే భాషలు 42కు పైగా ఉన్నాయి. ఈ భాషలు మాట్లాడేవారి సంఖ్య ఎప్పటికప్పుడు తగ్గిపోతోంది కాబట్టి ఇవి అంతరించిపోయే అవకాశాలు స్పష్టంగా కనిపిస్తున్నయని హోంమంత్రిత్వ శాఖ అధికారి ఒకరు తెలిపారు. యునెస్కో కూడా అడుగంటిపోతున్న ఈ 42 మాండలికాల గురించి తన జాబితాలో స్పష్టంగా పేర్కొందని ఈ అధికారి తెలిపారు. ఇలా అంతరించే భాషల పరిధిలోకి చేరుకున్నవాటిలో అండమాన్ నికోబార్ దీవులకు చెందిన 11 మాండలికాలు, మణిపూర్‌కు చెందిన 7 మాండలికాలు, హిమాచల్‌ప్రదేశ్‌కు చెందిన 4 మాండలికాలు ఉన్నాయని ఆయన తెలిపారు. అలాగే పర్జీ, మందా, పెంగో(ఒడిస్సా), కోరాగా, కురుబా (కర్నాటక), గదావా, నైకీ (ఆంధ్రప్రదేశ్), కోటా, తోడా (తమిళనాడు), టోటో (పశ్చిమ బెంగాల్) భాషలు కూడా వేగంగా అంతరించే దశకు చేరుకున్నాయని తెలిపారు. అడుగంటుతున్న ఈ భాషలను రక్షించేందుకు మైసూర్ కేంద్రంగా పనిచేస్తున్న భారతీయ భాషల కేంద్ర సంస్థ గట్టిగానే కృషిచేస్తోంది.
ఈ భాషలకు సంబంధించిన అన్ని అంశాలను పరిగణనలోకి తీసుకుని వాటికి అక్షర రూపాన్ని అందించేందుకు ప్రయత్నిస్తోంది. అలాగే పదివేల మందికంటే తక్కువ మంది మాట్లాడే అన్ని భాషలు, మాండలికాల వివరాలను సేకరిస్తోందని ఆ అధికారి తెలిపారు. 22 షెడ్యూల్డు భాషలతోబాటు భారతదేశంలో 31 భాషలున్నాయి. వివిధ రాష్ట్ర ప్రభుత్వాలు వీటికి అధికార భాష హోదాను కల్పించాయి.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.