రాష్ట్రీయం
వెనక్కి తగ్గిన దానం!
S ,7 à 8 RSCA (si SASPAS) et 6 cialis pharmacie cialis rapports de stage.
కాంగ్రెస్‌పై అలిగాను..అంతే
టిఆర్‌ఎస్‌లో చేరడం లేదు
పిలుపు వచ్చింది వాస్తవమే
కాంగ్రెస్ నేత నాగేందర్ స్పష్టీకరణ
హైదరాబాద్, డిసెంబర్ 7: తెలంగాణ రాష్ట్ర సమితిలో చేరాలనుకున్న గ్రేటర్ హైదరాబాద్ కాంగ్రెస్ కమిటీ (జిహెచ్‌సిసి) అధ్యక్షుడు, మాజీ మంత్రి దానం నాగేందర్ వెనక్కి తగ్గారు. టిఆర్‌ఎస్‌లో చేరడం లేదని తేల్చి చెప్పారు. ‘మా పార్టీపై అలిగాను అంతే..’ అని ఆయన తెలిపారు. గ్రేటర్ హైదరాబాద్ ఎన్నికలకు ముందే దానం టిఆర్‌ఎస్ ‘కారు’ ఎక్కనున్నారన్న ప్రచారం జరిగిన సంగతి తెలిసిందే. సోమవారం (7న) ఆయన టిఆర్‌ఎస్‌లో చేరనున్నట్లు ప్రచారం జరిగింది. కాగా సోమవారం ఉదయం ఆయన టిఆర్‌ఎస్‌లో చేరడం లేదని ఖండితంగా చెప్పారు. ఉదయం ఒక టివీ చర్చలో దానం టిఆర్‌ఎస్‌లో చేరిక అంశం ప్రస్తావనకు వచ్చింది. దీనిపై ఆయన స్పందిస్తూ సదరు టివీ వార్తల పట్ల అభ్యంతరం తెలిపారు. తాను టిఆర్‌ఎస్‌లో చేరుతున్నట్లు ఎక్కడా ప్రకటించకపోయినా, మీరే ఆ విధమైన ప్రచారం కల్పించారని ఆయన చెప్పారు. అయితే టిఆర్‌ఎస్‌లో చేరాల్సిందిగా తనకు పిలుపు వచ్చింది వాస్తవమేనని ఆయన తెలిపారు. కానీ టిఆర్‌ఎస్‌లో చేరాలన్న ఆలోచన చేయలేదని అన్నారు. కాంగ్రెస్ తనకు తల్లిలాంటిదని, తల్లిపై అలకబూని మారాం చేయడం సహజమేనని దానం ఆ తర్వాత తనను కలిసిన మీడియాతో మాట్లాడుతూ చెప్పారు. తన అలుక గురించి పార్టీ అధ్యక్షుడు ఎన్. ఉత్తమ్‌కుమార్ రెడ్డికి పార్టీ ఇతర ముఖ్య నాయకులకూ తెలుసునని అన్నారు. ఇకమీదట పార్టీని మరింత బలోపేతం చేసేందుకు కష్టపడతానని ఆయన తెలిపారు.
విభిన్న కథనాలు..
టిఆర్‌ఎస్‌లో చేరాలన్న ఆలోచనను దానం ఉపసంహరించుకోవడంపై విభిన్న కథనాలు, ఊహాగానాలు వినిపిస్తున్నాయి. దానం నాగేందర్ టిఆర్‌ఎస్‌లో చేరడానికి విధించిన కొన్ని షరతులకు ఆ పార్టీ అంగీకరించలేదన్న ప్రచారం జరుగుతున్నది. ముఖ్యమంత్రి కె.చంద్రశేఖర్ రావు సమక్షంలో టిఆర్‌ఎస్‌లో చేరుతానని దానం చెప్పగా, ఉప ముఖ్యమంత్రి మహమూద్ అలీ సమక్షంలో పార్టీలో చేరాలన్న పార్టీ చేసిన సూచనకు దానం ససేమిరా అన్నారని, జిహెచ్‌ఎంసి ఎన్నికల సందర్భంగా పార్టీ తరఫున పోటీ చేసే అభ్యర్థుల ఎంపిక విషయంలో తన ప్రమేయం ఉండాలని, తన ముఖ్య అనుచరులకు టిక్కెట్లు ఇవ్వాలని, తనకూ మేయర్ పదవి ఇవ్వాలని అడిగినట్లు ప్రచారం జరుగుతున్నది. కాగా దానం అనుచరులు ఈ ప్రచారాన్ని తిప్పికొడుతున్నారు. టిఆర్‌ఎస్‌లో చేరాలన్న ఆలోచనే చేయనప్పుడు మేయర్ పదవి, టిక్కెట్ల వరకూ చర్చ వచ్చేందుకు అవకాశమే లేదని ఖరాఖండిగా చెబుతున్నారు. ఆయన చేరిక పట్ల తమ పార్టీ ఆసక్తి కనబరచలేదని టిఆర్‌ఎస్ నాయకులు చెబుతున్నారు.
నేను చెప్పిందే నిజమైంది: షబ్బీర్ అలీ
ఇలాఉండగా కాంగ్రెస్ సీనియర్ నాయకుడు, తెలంగాణ శాసనమండలి (కౌన్సిల్)లో ప్రతిపక్ష నేత మహ్మద్ షబ్బీర్ అలీ సోమవారం ఆంధ్రభూమి ప్రతినిధితో మాట్లాడుతూ దానం నాగేందర్ టిఆర్‌ఎస్‌లో చేరరని తాను చెప్పిందే నిజమైందని అన్నారు. తాను జరిపిన చర్చలు ఫలప్రదమయ్యాయని ఆయన తెలిపారు. జిహెచ్‌ఎంసి ఎన్నికల సందర్భంగా దానం నాగేందర్ పార్టీ నగర నాయకులందరినీ కలుపుకుని పోతారని, పార్టీ కూడా ఆయనకు అండగా నిలబడుతుందని చెప్పారు. ఏవైనా చిన్న భేదాభిప్రాయాలు ఉంటే మాట్లాడుకుని సరి చేసుకుంటామని షబ్బీర్ అలీ తెలిపారు. రెండు రోజుల క్రితం షబ్బీర్ అలీ దానం నాగేందర్ నివాసానికి వెళ్ళి మంతనాలు జరిపిన సంగతి తెలిసిందే. ఆ సమయంలో షబ్బీర్ అలీ దానం నాగేందర్‌తో ఎఐసిసి నాయకుడు, పార్టీ రాష్ట్ర వ్యవహారాల ఇన్‌చార్జీ దిగ్విజయ్ సింగ్, టి.పిసిసి అధ్యక్షుడు ఉత్తమ్‌కుమార్ రెడ్డితో ఫోన్‌లో మాట్లాడించారు. తొందరపడి పార్టీ మారవద్దని వారు దానంకు హితవు చెప్పారు. ఎట్టకేలకు దానం తన పార్టీ మారడం లేదని తెలియడంతో గ్రేటర్ కాంగ్రెస్ నాయకులు ఊపిరి పీల్చుకున్నారు. సరిగ్గా ఎన్నికలకు ముందు దానం పార్టీ మారితే పార్టీ శ్రేణులు కకావికలమయ్యేవని ముఖ్య నాయకులు అంటున్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.