జాతీయ వార్తలు
సైనికులకు సొంతింటి స్వీట్లు
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, ఆగస్టు 18: ఏ పనిచేసినా కేంద్రమంత్రి స్మృతి ఇరానీ తన ప్రత్యేకతను చాటుకుంటారు. ఏ మంత్రిత్వశాఖలో ఉన్నా దానికి తగ్గట్టుగా ఆమె వ్యవహార శైలి ఉంటుంది. సోషల్ మీడియాలో విశేషమైన ఆదరణ కలిగిన రాజకీయ నాయకుల్లో ప్రముఖ స్థానంలో ఉన్న స్మృతి ఇరానీ సియాచిన్‌కు వెళ్లి రక్షాబంధన్ సందర్భంగా అక్కడి జవాన్లకు రాఖీలు కట్టి ఆత్మీయత అనురాగాలను చాటిచెప్పారు. దేశ సరిహద్దులను నిరంతరం పహార కాస్తున్న జవాన్ల వద్దకు ప్రభుత్వం చేరాలన్న ప్రధాని నరేంద్ర మోదీ నిర్ణయానుసారమే ఆమె ఈ హిమప్రాంతానికి వెళ్లారు. దాదాపు ఇరవై మంది సైనికులకు తానే స్వయంగా రాఖీలు కట్టి వారిని ఆయురారోగ్యాలతో, సిరి సంపదలతో వర్థిల్లాలని ఆశీర్వదించారు. రాఖీలు కట్టడమే కాకుండా ఢిల్లీలోని తన ఇంట్లో తయారు చేసిన మిఠాయిలను కూడా ఈ సందర్భంగా వారందరికీ పంచారు. దేశ సరిహద్దులకు రక్షణ కవచంగా నిలుస్తున్న సైనికులకు యావద్భారతం రుణపడి ఉంటుందని స్మృతి ఇరానీ పేర్కొన్నారు. రక్షాబంధన్ పర్వదినాన్ని సైనికులతో కలిసి జరుపుకోడాన్ని గౌరవంగా భావిస్తున్నాని ఆమె అన్నారు. స్మృతి ఇరానీతోపాటు కేంద్ర మహిళా మంత్రులు సుష్మాస్వరాజ్, మేనకాగాంధీ, అనుప్రియా పటేల్, నిర్మలాసీతారామన్, ఉమాభారతి తదితరులు కూడా సరిహద్దు ప్రాంతాలకు వెళ్లి సైనికులతో రక్షాబంధన్ జరుపుకొన్నారు.
చిత్రం.. సియాచిన్‌లో సైనికులకు రాఖీలు కడుతున్న స్మృతీ ఇరానీ
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.