జాతీయ వార్తలు
జీఎస్‌ఎల్‌వీ 4వ దశకు కేబినెట్ ఆమోదం
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, ఏప్రిల్ 15: జీఎస్‌ఎల్‌వి నాలుగవ దశ ప్రయోగ కార్యక్రమానికి కేంద్ర మంత్రివర్గం సోమవారం ఆమోదించింది. 2021-2024 మధ్య కాలంలో ఈ కార్యక్రమంలో భాగంగా జీఎస్‌ఎల్‌వి ప్రయోగాలు జరుగుతాయి. ముఖ్యంగా భూగోళానికి సంబంధించిన నావిగేషన్, కమ్యూనికేషన్, రోదసీ పరిశోధనకు సంబంధించి నాలుగవ దశలో భాగంగా ఉపగ్రహ ప్రయోగాలు జరుగుతాయి. నాలుగవ దశకు అవసరమైన నిధుల మొత్తాన్ని రూ.2729.13 కోట్లు విడుదలకు కేంద్ర మంత్రివర్గం ఆమోదం తెలిపింది. ఇంకా ఐదు భూసమకాలిక శాటిలైట్ వాహనాలను కొనుగోలు చేస్తారు. ప్రతి ఏడాది రెండు శాటిలైట్ల ప్రయోగాన్ని చేపట్టాలన్నది లక్ష్యం. జీఎస్‌ఎల్‌వీ ప్రయోగాలను 2003 సంవత్సరంలో చేపట్టడం జరిగింది. ఇప్పటి వరకు రెండు దశలు పూర్తయ్యాయి. మూడో దశ ప్రయోగం పురోగతిలో ఉంది. భూగర్భ, ఖనిజ నిక్షేపాల వనరుల పరిశోధనకు గాను ఇండియా-బోల్వియా దేశాల మధ్య సమన్వయ సహకారానికీ సంబంధించి కుదిరిన ఒప్పందానికీ కేంద్ర మంత్రివర్గం ఆమోదం తెలిపింది. 2019లో బోల్వియాతో ఒప్పందం కుదిరింది. అదేవిధంగా శాస్త్ర-సాంకేతిక రంగాలకు సంబంధించి ఇండియా-బ్రెజిల్ మధ్య 2018లో జరిగిన ఒప్పందానికి మంత్రివర్గం ఆమోదం తెలిపింది.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.