జాతీయ వార్తలు
ఇక అసెంబ్లీ ఎన్నికలపైనే స్టాలిన్ దృష్టి
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి, మే 24: లోక్‌సభ ఎన్నికల్లో ఘన విజయం సాధించిన ద్రవిడ మునే్నట్ర ఖజగం (డీఎంకె) అధ్యక్షుడు స్టాలిన్ ఇక రాబోయే అసెంబ్లీ ఎన్నికలపైనే దృష్టి సారించారు. లోక్‌సభ ఎన్నికల్లో డీఎంకె చరిత్ర సృష్టించింది. 38 సీట్లలో 37 సీట్లను కైవసం చేసుకోగా, ఒక్క స్థానాన్ని అన్నాడీఎంకె గెలుపొందింది. మరో స్థానానికి (వెల్లూరు) ఎన్నిక జరగలేదు. కాగా 22 అసెంబ్లీ స్థానాలకు జరిగిన ఎన్నికల్లో కేవలం 13 స్థానాలను మాత్రమే డీఎంకె దక్కించుకోగలిగింది. అఖిల భారత డ్రవిడ మునె్నట్ర ఖజగం (అన్నాడీఎంకె) తొమ్మిది స్థానాలను దక్కించుకుంది. ఇలాఉండగా 2021లో జరగబోయే అసెంబ్లీ ఎన్నికలకు పార్టీని సమాయత్తం చేయాలని డీఎంకె అధ్యక్షుడు స్టాలిన్ సన్నాహాలు చేపట్టారు. అన్నాడీఎంకె బీజేపీతో కలిసి పని చేసినా ఒక్క స్థానంలో మాత్రమే విజయం సాధించింది. దేశ వ్యాప్తంగా బీజేపీ సారథ్యంలోని ఎన్డీఏ కూటమి ప్రభంజనం కొనసాగి 350 స్థానాల్లో విజయం సాధించినా, ఇక్కడ మాత్రం భిన్నమైన ఫలితాలు వచ్చాయి. రాష్ట్ర రాజకీయాల్లో దశాబ్దాల పాటు తిరుగులేని అధిపత్యాన్ని చెలాయించిన కరుణానిధి మరణానంతరం డీఎంకె సారథ్యాన్ని చేపట్టిన స్టాలిన్ అనూహ్యరీతిలోనే పార్టీని విజయతీరాలకు చేర్చారు. పైగా తండ్రి మరణానంతరం ఆయన ఎదుర్కొన్న తొలి ఎన్నిక ఇదే కావడం స్టాలిన్ నాయకత్వ పటిమకు సంకేతకం గా నిలుస్తోంది. లోక్‌సభ ఎన్నికల ప్రచారంలో విపక్షాలు ఏకమవుతున్న తరుణంలో కాంగ్రెస్ అధ్యక్షుడు రాహుల్ గాంధీని ప్రధాన మంత్రి అభ్యర్థిగా ప్రతిపాదించింది కూడా స్టాలినే కావడం గమనార్హం.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.