జాతీయ వార్తలు
వేర్పాటువాదులకు చెక్!
S ,7 à 8 RSCA (si SASPAS) et 6 cialis pharmacie cialis rapports de stage.
శ్రీనగర్, సెప్టెంబర్ 1: జమ్మూకాశ్మీర్‌లో అశాంతిని సృష్టిస్తున్న వేర్పాటువాదులపై కేంద్రం ఉక్కుపాదం మోపుతోంది. వేర్పాటువాదులకు అందుతున్న సేవలపై ఆంక్షలు విధించడం ద్వారా కట్టడి చేయాలని ప్రధాని నరేంద్ర మోదీ ప్రభుత్వం నిర్ణయించింది. విమానం టికెట్లు, హోటల్, టాక్సీ సర్వీసులు అందకుండా చేయాలన్నది కేంద్ర ప్రభుత్వ యోచన. వేర్పాటువాద నేతలు సయ్యద్ అలీ షా గిలానీ, మిర్వైజ్ ఫరూఖ్, యాసిన్ మాలిక్ తరచూ విదేశీ పర్యటనలకు వెళ్తుంటారు. రాష్ట్రంలో ప్రధానంగా కాశ్మీర్ లోయలో యువతను రెచ్చగొడుతూ అంశాతిని పురిగొల్పుతున్న వేర్పాటువాద నేతలను అదుపుచేయాలని మోదీ ప్రభుత్వం నిర్ణయించినట్టు ‘అమర్ ఉజాలా’లో వార్తా కథనాలు వెలువడ్డాయి. ముఖ్యమంత్రి మెహబూబా ముఫ్తీ నాయకత్వంలోని బిజెపి-పిడిపి సంకీర్ణ ప్రభుత్వానికి ఈ మేరకు స్పష్టమైన ఆదేశాలు అందాయని నివేదికలో వెల్లడించారు. వేర్పాటువాదులకు ప్రభుత్వపరంగా కల్పిస్తున్న భద్రతను తొలగించాలన్నది ఓ ప్రతిపాదన. గిలానీ, మాలిక్, ఫరూఖ్‌లకు భద్రత కోసం 950 మంది పోలీసులను నియోగిస్తున్నారు. ముగ్గురు కీలక నేతలను ఇళ్లకే పరిమితం చేయడం ద్వారా శాంతియుత పరిస్థితులు నెలకొల్పవచ్చని భావిస్తున్నారు. హిజ్బుల్ ముజాహిదీన్ ఉగ్రవాది బుర్హాన్ వనీ ఎన్‌కౌంటర్ తరువాత కాశ్మీర్ అట్టుడికిపోయింది. సుమారు 55 రోజులు బంద్‌లు, సమ్మెలతో లోయ ప్రాంతం కంటిమీద కునుకులేదు. పౌర జీవనం అస్తవ్యవస్తమైంది.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.