జాతీయ వార్తలు
రాహుల్ ట్విట్టర్ ఫాలోవర్లు పది మిలియన్ల పైనే..
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, జూలై 10: కాంగ్రెస్ నేత రాహుల్‌గాంధీకి ట్విటర్‌లో ఫాలోవర్ల సంఖ్య పది మిలియన్ల మైలురాయిని అధిగమించింది. ఈ సందర్భంగా బుధవారం రాహుల్ తన ట్విటర్ ఫాలోవర్లు అందరికీ కృతజ్ఞతలు తెలియజేశారు. సామాజిక మాధ్యమమే వేదికగా ఈ మైలురాయిని అధిగమించడం తనకెంతో ఆనందాన్నిచ్చిందని ఆయన చెప్పారు. కాంగ్రెస్ నేతల్లో అంతకుముందు శశిధరూర్‌కు ట్విటర్‌లో ఫాలోవర్ల సంఖ్య ఎక్కువగా ఉండేది. శశిధరూర్‌కు 6.9 మిలియన్ల మంది ట్విటర్ ఫాలోవర్లు ఉన్నారు. ఇదిలా ఉంటే ప్రధాని నరేంద్ర మోదీతో పోలిస్తే ట్విటర్ల ఫాలోవర్ల సంఖ్య రాహుల్‌కు తక్కువేనని చెప్పాలి. ఎందుకంటే మోదీకి ట్విటర్‌లో 48 మిలియన్ల మంది ఫాలోవర్లు ఉన్నారు. ‘నా ఫాలోవర్ల సంఖ్య పది మిలియన్లకు చేరింది. అందుకు ప్రతి ఒక్కరికీ పేరు పేరునా కృతజ్ఞతలు తెలియజేస్తున్నా’ అని రాహుల్ పేర్కొన్నారు. ఈ మైలురాయిని అధిగమించిన సందర్భంగా అమేధిలో కాంగ్రెస్ కార్యకర్తలు, మద్దతుదార్లతో బుధవారం సమావేశవౌతున్నట్లు రాహుల్ ఈ సందర్భంగా స్పష్టం చేశారు. ఇటీవలి లోక్‌సభ ఎన్నికల్లో అమేథిలో రాహుల్‌గాంధీ కేంద్ర మంత్రి స్మృతి ఇరానీ చేతిలో పరాజయం చెందిన సంగతి తెలిసిందే. అయితే, కేరళలోని వయనాడ్ పార్లమెంట్ స్థానం నుంచి నాలుగు లక్షలకు పైగా మెజారిటీతో రాహుల్ గెలుపొందారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.