జాతీయ వార్తలు
అధికారం ఇస్తే మళ్లీ వారే సీఎంలు
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, ఆగస్టు 18: మరికొద్ది నెలల్లో జరగనున్న మహారాష్ట్ర, హర్యానా, జార్ఖండ్ అసెంబ్లీ ఎన్నికలకు ప్రస్తుత ముఖ్యమంత్రులే సారథ్యం వహించనున్నారు. పార్టీ తిరిగి అధికారం చేపడితే ప్రస్తుత సీఎంలే మళ్లీ ముఖ్యమంత్రులు కానున్నట్లు సమాచారం. ఈ విషయాన్ని హర్యానాలో ఇటీవల జరిగిన ర్యాలీలో బీజేపీ జాతీయ అధ్యక్షుడు అమిత్ షా కరాఖండీగా తేల్చిచెప్పారు. హర్యానాకు తిరిగి మనోహర్‌లాల్ ఖతర్ తిరిగి సీఎం కానున్నట్లు అమిత్‌షా ర్యాలీలో స్పష్టం చేశారనీ. అసెంబ్లీ ఎన్నికలైన సైతం ఖట్టర్ నేతృత్వంలో జరుగుతాయని పార్టీలు వర్గాలు చెప్పారు. అలాగే, మహారాష్టల్రో ప్రస్తుత ముఖ్యమంత్రి దేవేంద్ర ఫడ్నవిస్, జార్ఖండ్‌లో ప్రస్తుత సీఎం రఘువీర్‌దాస్‌ల సారథ్యంలోనే అసెంబ్లీ ఎన్నికలు జరుగుతాయని షా స్పష్టంగా చెప్పినట్లు అధికార వర్గాల సమాచారం. హర్యానాలోని జింద్‌లో జరిగిన పార్టీ ర్యాలీలో షా మాట్లాడుతూ రాష్ట్రంలోని 90 స్థానాల్లో 75 అసెంబ్లీ సెగ్మెంట్లలో బీజేపీ అభ్యర్థులను గెలిపించాలనీ.. పార్టీకి మెజారిటీ ఇస్తే తిరిగి మనోహర్‌లాల్ ఖతర్ సీఎం అవుతారని చెప్పారు.
ఈ ఐదు సంవత్సరాల్లో ముగ్గురు ముఖ్యమంత్రులు తమదైన శైలిలో పరిపాలన సాగించి పార్టీకి మంచి పేరు తెచ్చారని కితాబునిచ్చారు. అమిత్ షా తన పర్యటనలో ముగ్గురు ముఖ్యమంత్రి అభ్యర్థులను ప్రకటించి సంచలనం రేపారు. ఈ ముగ్గురూ తిరిగి పార్టీని అధికారంలోకి తీసుకురాగలరన్న నమ్మకం బీజేపీకి కలిగించారని.. అందుకే ముందే ముగ్గురు సీఎం అభ్యర్థులను ప్రకటిస్తున్నట్లు షా చెప్పారు. 2014 ఎన్నికల్లో హర్యానాలో బీజేపీ 47 స్థానాలు సాధించగా.. మహా రాష్ట్ర లో 288 స్థానాల్లో 122 అసెంబ్లీ స్థానాలను కైవసం చేసుకొంది. అలాగే, జార్ఖండ్‌లోని 81 స్థానాల్లో 27 స్థానాలను కైవసం చేసుకొంది. ఇదిలా ఉంటే మూడు రాష్ట్రాల ముఖ్యమంత్రులూ.. ‘కుంభకోణ రహిత, నిజాయితీ’ పరిపాలనను అందించారని.. అవినీతికి తావులేని పాలన అందివ్వడం వల్లే ముగ్గురినీ ముఖ్యమంత్రి అభ్యర్థులుగా ప్రకటిస్తున్నట్లు షా ప్రకటించినట్లు సీనియర్ బీజేపీ నాయకుడొకరు పేర్కొన్నారు. ‘ఖతర్ అయితేనేమి.. ఫడ్నవిస్.. దాస్ ముగ్గురూ ప్రజల్లో క్లీన్ ఇమేజ్‌ను సంపాదించారని’ పేర్కొన్నారు. ప్రధానమంత్రి నరేంద్ర మోదీకి ఉన్న ప్రజాదరణను మరింత ప్రతిబింబించేలా వీరు తమ రాష్ట్రాల్లో మరింత పెంచే విధంగా కృషి చేశారన్నారు.
చిత్రాలు.. మనోహర్‌లాల్ ఖట్టర్ *దేవేంద్ర ఫడ్నవిస్ *రఘువీర్‌దాస్
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.