జాతీయ వార్తలు
రాజ్యసభకు మన్మోహన్ ఎన్నిక ఏకగ్రీవం
S ,7 à 8 RSCA (si SASPAS) et 6 cialis pharmacie cialis rapports de stage.
జైపూర్, ఆగస్టు 19: కాంగ్రెస్ సీనియర్ నాయకుడు, మాజీ ప్రధాని మన్మోహన్ సింగ్ రాజస్థాన్ రాష్ట్రం నుంచి రాజ్యసభకు ఏకగ్రీవంగా ఎన్నికయ్యారు. ముఖ్యమంత్రి అశోక్ గెహ్లాట్ ఆయనకు శుభాకాంక్షలు తెలిపారు. రాజ్యసభ సభ్యుడు మదన్ లాల్ సైనీ మృతితో ఖాళీ ఏర్పడిన సంగతి తెలిసిందే. దీంతో ఆ స్థానానికి నిర్వహించిన ఎన్నికల్లో కాంగ్రెస్ అభ్యర్థిగా మన్మోహన్ సింగ్ ఒక్కరే నామినేషన్ దాఖలు చేశారు. బీజేపీ నుంచి ఎవరూ నామినేషన్ దాఖలు చేయలేదు. సోమవారం మధ్యాహ్నం 3 గంటలకు నామినేషన్ల ఉపసంహరణకు గడువు ముగిసింది. ఖాళీగా ఉన్న ఒక్క స్థానానికి ఒక్క నామినేషనే దాఖలు కావడంతో మాజీ ప్రధాని ఏకగ్రీవమైనట్లు రాజస్థాన్ అసెంబ్లీ కార్యదర్శి, రాజ్యసభ ఎన్నికల రిటర్నింగ్ ప్రమీల్ కుమార్ మాథుర్ ప్రకటించారు. ఏకగ్రీవంగా ఎన్నికైన మన్మోహన్ సింగ్‌ను పార్టీ సీనియర్ నాయకులు, కార్యకర్తలు అభినందించారు. మాజీ ప్రధాని మన్మోహన్ సింగ్ రాజస్థాన్ నుంచి రాజ్యసభకు ఎన్నిక కావడం తమ రాష్ట్రానికే గర్వకారణమని ముఖ్యమంత్రి గెహ్లాట్ ట్వీట్ చేశారు. వరుసగా నాలుగు పర్యాయాలు అంటే 1991 నుంచి 2019 వరకు ఆయన అస్సాం నుంచి రాజ్యసభకు ఎన్నికైన సంగతి తెలిసిందే.
ఈ ఏడాది జూన్ 14న సింగ్ పదవీ కాలం ముగిసినా, ఇదే సంవత్సరం మళ్లీ ఆగస్టులో రాజస్థాన్ నుంచి రాజ్యసభకు ఎన్నికయ్యారు. 2004 నుంచి 2014 సంవత్సరం వరకు దేశ ప్రధానిగా బాధ్యతలు నిర్వహించారు. రాజస్థాన్ నుంచి రాజ్యసభకు మొత్తం 10 సీట్లు ఉన్నాయి. ఇందులో 9 సీట్లు బీజేపీ ఇదివరకే కైవసం చేసుకుంది.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.