జాతీయ వార్తలు
న్యాయం చేయండి
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, సెప్టెంబర్ 26: కావేరీ జలాల వివాదం సోమవారం అనూహ్యమైన మలుపు తిరిగింది. తమ రాష్ట్రంలోని రిజర్వాయర్లలో సరిపడా జలాలు లేవంటూ తమిళనాడు పిటిషన్ దాఖలు చేస్తే.. రోజుకు ఆరువేల క్యూసెక్కుల నీటిని ఇవ్వలేమని, గతంలో ఇచ్చిన తీర్పు సవరించాలంటూ కర్ణాటక కూడా పిటిషన్ వేసింది. ఈ నేపథ్యంలో రెండు రాష్ట్రాలు తమ అవసరాలు, పరిస్థితులను విశదీకరిస్తూ ఈ పిటిషన్లలో వాదనలు వినిపించాయి. ఉభయ రాష్ట్రాలూ భిన్నమైన డిమాండ్లను తెరపైకి తేవటంతో సుప్రీం తదుపరి తీర్పు ఉత్కంఠగా మారింది. సుప్రీం కోర్టు సెప్టెంబర్ 20న ఇచ్చిన ఆదేశాల మేరకు తమిళనాడుకు రోజూ ఆరువేల క్యూసెక్కుల కావేరీ జలాలను ఇవ్వజాలమని, ఈ తీర్పును సవరించాల్సిందిగా కర్ణాటక ప్రభుత్వం సోమవారం అత్యున్నత న్యాయస్థానాన్ని అభ్యర్థించింది. తమిళనాడుకు సెప్టెంబర్ 27వరకు ప్రతిరోజూ 6వేల క్యూసెక్కుల జలాలను విడుదల చేయాల్సిందిగా జస్టిస్ దీపక్ మిశ్రా నేతృత్వంలోని ధర్మాసనం వారం క్రితం కర్ణాటకను ఆదేశించిన సంగతి తెలిసిందే. అయితే కావేరీ బేసిన్‌లో తగినంత జలాలు లేవని, తమ రాజధాని బెంగళూరు సహా పలు నగరాలకు నీటిని విడుదల చేయలేని పరిస్థితి ఉందని కర్ణాటక సుప్రీం కోర్టు ధర్మాసనానికి వివరించింది. అయితే తమిళనాడు ప్రభుత్వం తమ జలాశయాలు పూర్తిగా నిండుకున్నాయని, కర్ణాటక ప్రభుత్వం సుప్రీం కోర్టు మార్గదర్శకాలను సైతం ఉల్లంఘిస్తోందని తన పిటిషన్‌లో ఆరోపించింది. కర్ణాటక తనకు తానే న్యాయమూర్తిగా భావిస్తూ, కోర్టు పరిధిలోని అంశాన్ని పదే పదే ఉల్లంఘిస్తోందని విమర్శించింది. అంతకుముందు సెప్టెంబర్ 15న రోజుకు 15వేల క్యూసెక్కులు విడుదల చేయాలని కర్ణాటకను ఆదేశించిన అత్యున్నత న్యాయస్థానం, ఆ తరువాత ఇచ్చిన తీర్పులో రోజుకు 12వేల క్యూసెక్కులు విడుదల చేయాలన్న సుప్రీం కోర్టు ఆదేశాలతో తమిళనాడు, కర్ణాటకల్లో పెద్దఎత్తున హింసాకాండ రేగిన సంగతి తెలిసిందే. ఆ తరువాత ఆ తీర్పును ఆరువేల క్యూసెక్కులు విడుదల చేయాలంటూ సూచించింది. ఆ మేరకు కూడా నీటిని విడుదల చేయలేమంటూ సుప్రీం కోర్టును కర్ణాటక కోరింది.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.