జాతీయ వార్తలు
వాద్రా భూమలు వెనక్కి!
S ,7 à 8 RSCA (si SASPAS) et 6 cialis pharmacie cialis rapports de stage.
చండీగఢ్, సెప్టెంబర్ 19: కాంగ్రెస్ అధినేత్రి సోనియాగాంధీ అల్లుడు రాబర్ట్ వాద్రాకు చెందిన భూముల రిజిస్ట్రేషన్లు రద్దుకు హర్యానా ప్రభుత్వం కసరత్తు మొదలెట్టింది. రాబర్ట్ వాద్రాకు చెందిన స్కై లైట్ హస్పటాలిటీ కంపెనీకి సంబంధించి భూమి హక్కులు రద్దుకు చకచకా ఏర్పాట్లు జరిగిపోతున్నాయి. స్కై లైట్ సంస్థ నుంచి ప్రముఖ రియాల్టీ కంపెనీ డీఎల్‌ఎఫ్‌కు భూములు బదలాయింపుజరిగింది. కంపెనీ లైసెన్సు రద్దుకు సంబంధించి ప్రక్రియ పూర్తయిందని రాష్ట్ర పట్టణ ప్రణాళికా శాఖ డైరెక్టర్ కేఎం పాండురంగ గురువారం వెల్లడించారు. హర్యానా అభివృద్ధి, క్రమబద్ధీకరణ, పట్టణ ప్రాంతాల చట్టం 1975 కింద ఈ చర్యలు తీసుకుంటున్నట్టు ఆయన చెప్పారు. సంబందిత వ్యక్తులను నోటీసులు జారీ చేయడం జరిగిందన్నారు.‘చట్ట ప్రకారం భూమి హక్కుల రద్దు ప్రక్రియ పూర్తయింది. నోటీసులు జారీ అలాగే వారి వాదనలు వినడం కూడా పూర్తయింది. ఇక తుది నిర్ణయం తీసుకోవడమే మిగిలింది’అని పాండురంగ స్పష్టం చేశారు. త్వరలోనే తుది నిర్ణయం తీసుకుంటామని ఆయన ప్రకటించారు. అయితే అవతల పార్టీ వాదనలు ఏమిటి? ఏం సమాధానం చెప్పారన్న విషయంలో డైరెక్టర్ గోప్యత పాటించారు. అవేమీ వెల్లడించడానికి ఇష్టపడలేదు. భూమి మ్యుటేషన్ దగ్గర నుంచి టైటిల్ వరకూ అనేక సమస్యలున్నట్టు ఆయన పేర్కొన్నారు. స్కై లైట్, డీఎల్‌ఎఫ్ కంపెనీ మధ్య జరిగిన భూ లావాదేవీలు 2012లో వెలుగులోకి వచ్చాయి. 1991 బ్యాచ్ ఐఎఎస్ అధికారి అశోక్ ఖేమ్కా దీన్ని బయట పెట్టారు. ఇరువురి మధ్య జరిగిన మ్యుటేషన్‌ను రద్దుచేసి దేశ వ్యాప్తంగా అందరి దృష్టీ ఆకర్షించారు. గుర్గావ్ సెక్టర్ 83లో భూమి స్కై లైట్ కొనుగోలు చేసి తరువాత డీఎల్‌ఎఫ్‌కు బదిలీ చేసినట్టు గత ఏడాది ముఖ్యమంత్రి మనోహర్ ఖట్టర్ వెల్లడించారు. ఇదంతా లోపభూయిష్టంగానే ఉందని ఆయన ఆరోపించారు. దీంతో కంపెనీ లైసెన్స్ రెన్యువల్ చేయలేదని ఆయన తెలిపారు. వాద్రా భూ లావాదేవీలన్నీ అక్రమ పద్ధతుల్లోనే సాగాయని బీజేపీ ఆరోపిస్తోంది. అప్పటి ముఖ్యమంత్రి భూపేందర్ హుడా హయాంలోనే అనేక అక్రమాలు చోటుచేసుకున్నట్టు ఖట్టర్ ప్రభుత్వం విమర్శిస్తోంది.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.