జాతీయ వార్తలు
చత్తీస్‌గఢ్‌లో మావోల ఘాతుకం
S ,7 à 8 RSCA (si SASPAS) et 6 cialis pharmacie cialis rapports de stage.
భద్రాచలం, అక్టోబర్ 1: ఛత్తీస్‌గఢ్‌లో మావోయిస్టులు విరుచుకుపడ్డారు. తమ సమాచారాన్ని పోలీసులకు చేరవేసి వారికి ఇన్‌ఫార్మర్లుగా వ్యవహరిస్తున్నారని ఆరోపిస్తూ ముగ్గురు యువకులను కాంకేర్ జిల్లాలో దారుణంగా హతమార్చారు. కాంకేర్ జిల్లాలోని ఆమాబేడా పోలీస్‌స్టేషన్‌కు పది కిలోమీటర్ల దూరంలో ఉన్న హుర్రా పింజోడి అనే గ్రామానికి మావోయిస్టు పశ్చిమ డివిజన్ కమిటీ కార్యదర్శి రమేశ్, కమాండర్ సోనూ ఆధ్వర్యంలో 7 నుంచి 8 మంది సాయుధ మావోయిస్టులు శుక్రవారం అర్ధరాత్రి 11 గంటల సమయంలో చేరుకున్నారు. గ్రామంలోని జైన్‌కుమార్ (22), అంతూరామ్ హుర్రా(24), మాన్‌కరామ్ హుర్రా(32) అనే యువకులను అదుపులోకి తీసుకున్నారు. వీరిని గ్రామానికి అరకిలోమీటరు దూరంలో ఉన్న సాకినాన్ గ్రామ అటవీ ప్రాంతానికి తీసుకెళ్లారు. మావోయిస్టు దళాల సమాచారాన్ని పోలీసులకు చేరవేస్తున్నారంటూ వారిపై అభియోగం మోపారు. ప్రజాకోర్టు నిర్వహించి వారిని చితకబాదారు. అనంతరం పదునైన ఆయుధాలతో దారుణంగా నరికి చంపారు. ఇన్‌ఫార్మర్లుగా వ్యవహరిస్తే ఎవరికైనా ఇదే గతి పడుతుందని హెచ్చరించారు. కాగా కాంకేర్ ఎస్పీ ఎంఎల్ కొట్వానీ మాత్రం దీన్ని తీవ్రంగా ఖండించారు. చనిపోయిన ముగ్గురికి పోలీసులతో ఎటువంటి సంబంధాలు లేవని పేర్కొన్నారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.