జాతీయ వార్తలు
గిరిజనుల వెనుకబాటుకు కాంగ్రెస్సే కారణం
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, నవంబర్ 16: కాంగ్రెస్ పార్టీ గిరిజనులను తన ఓటు బ్యాంకుగా ఉపయోగించుకుంటోందని, కాని, వారి సంక్షేమం కోసం ఎలాంటి కృషి చేయడం లేదని కేంద్ర హోంమంత్రి అమిత్ షా శనివారం విమర్శించారు. గిరిజనుల వెనుకబాటుకు కాంగ్రెస్ పార్టీయే కారణమని ఆయన ధ్వజమెత్తారు. నరేంద్ర మోదీ ప్రభుత్వం వరుస అభివృద్ధి కార్యక్రమాల ద్వారా గిరిజనుల జీవితాలలో మార్పు తెచ్చిందని ఆయన అన్నారు. జాతీయ గిరిజన పండుగ ‘ఆది మహోత్సవ్’ను శనివారం నాడిక్కడ అమిత్ షా ప్రారంభించారు. ఈ సందర్భంగా ఆయన మాట్లాడుతూ ప్రధాన మంత్రి నరేంద్ర మోదీ గిరిజనుల వెనుక వారి సోదరుడిలాగా గట్టిగా నిలబడ్డారని, వారికి ప్రభుత్వ సంక్షేమ పథకాల ఫలాలను అందేలా చూస్తున్నారని అన్నారు. ‘స్వాతంత్య్రం వచ్చినప్పటి నుంచి 70 ఏళ్ల పాటు కాంగ్రెస్ పార్టీ గిరిజనులను ఓటు బ్యాంకులాగా ఉపయోగించుకున్నది. అయితే, గిరిజనుల సంక్షేమం కోసం ఆ పార్టీ ఏమీ చేయలేదు. బీజేపీ అధికారంలోకి వచ్చినప్పుడు మాత్రమే అది గిరిజనుల సంక్షేమం కోసం వరుస అభివృద్ధి పథకాలను చేపట్టింది’ అని అమిత్ షా అన్నారు. బీజేపీ నేత అటల్ బిహారి వాజ్‌పేయి ప్రధాన మంత్రిగా ఉన్నప్పుడే కేంద్ర గిరిజన వ్యవహారాల మంత్రిత్వ శాఖ ఉనికిలోకి వచ్చిందని ఆయన పేర్కొన్నారు. మోదీ ప్రభుత్వ సంక్షేమ పథకాల ద్వారా అత్యధికంగా లబ్ధి పొందింది గిరిజనులేనని ఆయన అన్నారు. గిరిజనులకు ఉచితంగా ఇళ్లు, వంట గ్యాస్ సరఫరా, విద్యుత్ కనెక్షన్లు వంటి వాటిని అందించడం జరిగిందని, వాటి ద్వారా గిరిజనులు బాగా లబ్ధి పొందారని ఆయన పేర్కొన్నారు. కాంగ్రెస్ హయాంలో గిరిజనులు చీకట్లో, నిరక్షరాస్యతలో, పేదరికంలో మగ్గిపోయారని ఆయన అన్నారు.
*చిత్రం... జాతీయ గిరిజన పండుగ ‘ఆది మహోత్సవ్’ ప్రారంభోత్సవంలో మాట్లాడుతున్న కేంద్ర హోం మంత్రి అమిత్ షా
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.