జాతీయ వార్తలు
మొబైల్ ఫోన్లు తీసుకురావొద్దు
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, అక్టోబర్ 22: మంత్రివర్గ సమావేశాలలోకి ఎవరూ మొబైల్ ఫోన్లు తీసుకురాకుండా కేంద్రం నిషేధం విధించింది. మంత్రివర్గ సమావేశాలలో జరిగే చర్చలను ఎవరైనా అనధికారికంగా మొబైల్ ఫోన్ల వంటి సమాచార పరికరాలతో రికార్డు చేసి, లీక్ చేస్తారనే అనుమానంతో ముందు జాగ్రత్త చర్యగా ప్రభుత్వం ఈ నిషేధం విధించింది. ఈ విషయాన్ని సంబంధిత మంత్రులందరికీ తెలియజేయాలని వారి ప్రైవేటు కార్యదర్శులను క్యాబినెట్ సెక్రటేరియట్ ఇటీవల ఆదేశించింది. ‘క్యాబినెట్/ క్యాబినెట్ కమిటీల సమావేశాలు జరిగే ప్రదేశంలోకి ఇకనుంచి స్మార్ట్ఫోన్లు/ మొబైల్ ఫోన్లను అనుమతించకూడదని నిర్ణయించడం జరిగింది’ అని క్యాబినెట్ సెక్రటేరియట్ తన ఆదేశాలలో పేర్కొంది. మంత్రులెవరూ మంత్రివర్గ సమావేశాలకు వచ్చేప్పుడు మొబైల్ ఫోన్లను తీసుకు రావద్దని కేంద్ర ప్రభుత్వం ఆదేశించటం ఇదే మొదటిసారి. ఇప్పటివరకు మంత్రులు తమ వెంట ఫోన్లను తీసుకెళ్లేవారు. అయితే వాటిని సైలెన్స్ మోడ్‌లో పెట్టడమో, ఆఫ్ చేయడమో చేసేవారు. అయితే మొబైల్ ఫోన్లు హ్యాకింగ్‌కు గురయ్యే ప్రమాదం ఉందని పేర్కొంటూ మొబైల్ ఫోన్ల భద్రతపై భద్రతా సంస్థలు సందేహాలు వ్యక్తం చేసిన నేపథ్యంలో ప్రభుత్వం ఈ చర్య తీసుకోవడం ప్రాధాన్యత సంతరించుకుంది. క్యాబినెట్ సమావేశాలలో సున్నితమైన అంశాలపై చర్చ జరుగుతుంది కాబట్టి, ఆ చర్చలను రహస్యంగా ఉంచాలని, ఎట్టి పరిస్థితుల్లోనూ లీక్ కానీయకూడదనే ఉద్దేశంతో ప్రభుత్వం ఈ చర్య తీసుకున్నట్టు అధికార వర్గాలు తెలిపాయి.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.