రాష్ట్రీయం
తలాక్ తప్పే
S ,7 à 8 RSCA (si SASPAS) et 6 cialis pharmacie cialis rapports de stage.
మహోబా (ఉత్తరప్రదేశ్), అక్టోబర్ 24: మూడుసార్లు ‘తలాక్’ చెప్పి విడాకులు పుచ్చుకునే పద్ధతి (ట్రిపుల్ తలాక్)పై దేశ వ్యాప్తంగా జరుగుతున్న చర్చపై ప్రధాన మంత్రి నరేంద్ర మోదీ వౌనాన్ని వీడారు. ముస్లిం మతంలో కొనసాగుతున్న ఈ దురాచారాన్ని తీవ్రంగా వ్యతిరేకిస్తున్నట్లు ఆయన సోమవారం స్పష్టం చేశారు. అలాగే హిందూ సమాజంలో గర్భస్థ ఆడ శిశువుల హత్యలు (భ్రూణ హత్యలు) విచ్చలవిడిగా కొనసాగుతుండటాన్ని ప్రధాని నిర్ద్వంద్వంగా ఖండించారు. ‘భ్రూణ హత్య మహా పాతకం. ఈ పాపానికి ఒడిగడుతున్నది హిందువులే కావచ్చు. అయినప్పటికీ ఈ దురాగతానికి అడ్డుకట్ట వేసేందుకు మా ప్రభుత్వం ఎన్నో చర్యలు చేపట్టింది. మతం గురించి ఎవరూ పట్టించుకోకూడదు. మన కుమార్తెలు, తల్లులు, సోదరీమణులను రక్షించడమే కాదు.. వారిని ప్రతి ఒక్కరూ గౌరవించి తీరాలి. ఈ విషయాన్ని ఇప్పటికే ఎన్నోసార్లు ఉద్ఘాటించాం. ఇప్పుడు ట్రిపుల్ తలాక్ సమస్య ముందుకొచ్చింది. భ్రూణ హత్యలకు పాల్పడిన హిందువులను జైలుకు పంపుతున్నట్లుగానే, ఫోన్ ద్వారా తలాక్ చెప్పి ముస్లిం సోదరీమణుల జీవితాలను ఛిద్రం చేస్తున్న
వారిని కూడా జైలుకు పంపి తీరాలి’ అని సోమవారం ఉత్తరప్రదేశ్‌లోని బుందేల్‌ఖండ్‌లో నిర్వహించిన ‘మహా పరివర్తన్ ర్యాలీ’లో మోదీ తేల్చి చెప్పారు. మహిళలపై ఎటువంటి అకృత్యాలు జరగరాదని, మతాన్ని ఆధారంగా చేసుకుని ఎవరి పట్లా వివక్ష చూపరాదని తమ ప్రభుత్వం సుప్రీం కోర్టుకు తెలియజేసిన విషయాన్ని ప్రధాని ఈ సందర్భంగా గుర్తుచేస్తూ, ట్రిపుల్ తలాక్‌కు రాజకీయ రంగు పులమొద్దని, దీనిని హిందువులకు, ముస్లింలకు మధ్య పోరాటంగానో లేక బిజెపికి, ఇతర పార్టీలకు మధ్య జగడంగానో మార్చవద్దని వార్తా పత్రికలకు, చానళ్లకు విజ్ఞప్తి చేశారు.
చిత్రం.. ఉత్తరప్రదేశ్‌లోని మహోబాలో నిర్వహించిన బిజెపి సమావేశంలో మాట్లాడుతున్న నరేంద్ర మోదీ
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.