జాతీయ వార్తలు
తీరు మారని లోక్‌సభ
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, డిసెంబర్ 8: పెద్దనోట్ల రద్దుతో ప్రజలు ఎదుర్కొంటున్న ఇబ్బందులపై ఓటింగ్‌తో కూడిన చర్చ జరపాలని పట్టుపడుతున్న కాంగ్రెస్, తృణమూల్ కాంగ్రెస్, వామపక్షాలు గురువారం కూడా లోక్‌సభను స్తంభింపజేశాయి. కాంగ్రెస్, టిఎంపిసి, వామపక్షాలకు చెందిన సభ్యులు పోడియంను చుట్టముట్టి ఎన్‌డిఏ ప్రభుత్వం, ప్రధాన మంత్రి నరేంద్ర మోదీకి వ్యతిరేకంగా నినాదాలిస్తూ లోక్‌సభను స్తంభింపజేశారు. లోక్‌సభ ఉదయం సమావేశం కాగానే స్పీకర్ సుమిత్రా ప్రతిపక్షం నినాదాల గొడవ, గందరగోళం మధ్యనే ప్రశ్నోత్తరాల కార్యక్రమాన్ని కొనసాగించారు. 45 నిముషాల పాటు నిర్వహించిన అనంతరం 15 నిముషాల పాటు సభను వాయిదా వేశారు. ప్రతిపక్షం సభ్యులు పెద్ద నోట్ల రద్దువలన ప్రజలు ఎదుర్కొంటున్న సమస్యల గురించి చర్చించేందుకు సిద్ధమైతే వెంటనే ప్రారంభిస్తామని ఆమె పలుమార్లు చెప్పారు. చర్చకు ఒప్పుకోకుండా మాట్లాడేందుకు అనుమతించే ప్రసక్తే లేదని స్పష్టం చేశారు. 12 గంటలకు తిరిగి సమావేశమైనప్పుడు ప్రభుత్వ పత్రాలను సభకు సమర్పింపజేసిన అనంతరం జీరో అవర్ చేపట్టారు. లోక్‌సభ రెండు గంటలకు సమావేశమైనప్పుడూ స్పీకర్ సుమిత్రా మహాజన్ పలువురు సభ్యుల సావధాన తీర్మానాలపై చర్చ జరిపిన అనంతరం అనుబంధ పద్దులను చర్చకు చేపట్టారు. అప్పటికే పోడియం వద్దకు దూసుకొచ్చిన కాంగ్రెస్, తృణమూల్ కాంగ్రెస్, వామపక్షాల సభ్యులు ప్రభుత్వానికి వ్యతిరేకంగా నినాదాలు ఇస్తూ గందరగోళం సృష్టించారు. ఆ తరువాత ఆమె సభను శుక్రవారానికి వాయిదా వేసి వెళ్లిపోయారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.