జాతీయ వార్తలు
భూకంపం రాలేదే!?
S ,7 à 8 RSCA (si SASPAS) et 6 cialis pharmacie cialis rapports de stage.
వారణాసి, డిసెంబర్ 22: తాను మాట్లాడితే భూకంపం వస్తుందన్న కాంగ్రెస్ పార్టీ రాహుల్ గాంధీ వ్యాఖ్యలను ప్రధాని నరేంద్ర మోదీ గురువారం ఎద్దేవా చేశారు. ‘వాళ్లకు( కాంగ్రెస్ పార్టీకి) ఒక యువ నాయకుడున్నారు. ఆయన ఇప్పుడిప్పుడే మాట్లాడడం నేర్చుకున్నారు. ఆయన మాట్లడడం నేర్చుకున్నప్పటినుంచీ నా సంతోషానికి ఎల్లలు లేవు. నేను మాట్లాడితే భూకంపం వస్తుందని ఆయన ఊరూరా తిరిగి చెప్పుకొంటున్నారు. ఇప్పుడు ఆయన మాట్లాడారు కానీ భూకంపం రాలేదు. ఆయన మాట్లాడకపోయి ఉంటేనే భూకంపం వచ్చేదేమో’ అని రాహుల్ గాంధీ పేరును ప్రస్తావించకుండా ప్రధాని అన్నారు. ఒక వేళ ఆయన మాట్లాడకపోయి ఉంటే భూకంపం వచ్చి ఉండేదని, జనం పదేళ్ల పాటు దాన్ని భరించాల్సి వచ్చేదని కూడా ఆయన అన్నారు. ఇప్పుడు ఆయన మాట్లాడారు కాబట్టి ఇక ఇప్పుడు భూకంపం వచ్చే అవకాశమే లేదని మనం నిర్భయంగా ఉండవచ్చని కూడా ప్రధాని అన్నారు. మోదీ గుజరాత్ ముఖ్యమంత్రిగా ఉన్న సమయంలో సహారా, బిర్లా కంపెనీలనుంచి ముడుపులు అందుకున్నారని రాహుల్ గాంధీ బుధవారం గుజరాత్‌లోని మెహసానాలో జరిగిన ఓ బహిరంగ సభలో మాట్లాడుతూ ఆరోపించిన విషయం తెలిసిందే. మోదీ వ్యక్తిగత అవినీతిని బైటపెడతానన్న భయంతోనే తనను పార్లమెంటులో మాట్లాడకుండా అడ్డుకున్నారని కూడా రాహుల్ ఆరోపించిన విషయం తెలిసిందే. ఈ వ్యాఖ్యలను పరోక్షంగా ప్రస్తావిస్తూ ప్రధాని రాహుల్‌పై చురకలు వేశారు. పెద్ద నోట్ల రద్దు తర్వాత ప్రధాని నరేంద్ర మోదీ తొలిసారి గురువారం తన సొంత నియోజకవర్గమైన వారణాసిలో పర్యటించారు. బనారస్ హిందూ యూనివర్శిటీ క్యాంపస్‌లో జరిగిన ఒక కార్యక్రమంలో ఆయన మాట్లాడుతూ ఈ వ్యాఖ్యలు చేశారు. అంతేకాదు దేశంలో అక్షరాస్యత శాతం తక్కువగా ఉన్న కారణంగా కార్డులు, ఆన్‌లైన్ ద్వారా చెల్లింపుల వల్ల ఇబ్బందులు ఎదురవుతాయన్న రాహుల్ వ్యాఖ్యలను సైతం ప్రధాని తప్పుబట్టారు. ‘చదవడం, రాయడం వచ్చిన వారిని నిరక్షరాస్యులుగా చేయడానికి నేను ఏదో గారడి చేశానని ఆయన చెప్పనందుకు సంతోషిస్తున్నాను. ఆయన మాట్లాడడానికి ముందు ఎప్పుడూ ఆలోచించరు. అంతేకాదు తమ పార్టీ సుదీర్ఘ పరిపాలన వైఫల్యాన్ని తాను అంగీకరించాననే విషయాన్ని సైతం ఆయన గ్రహించలేదు’ అని కూడా మోదీ అన్నారు.
చిత్రం..వారణాసిలో గురువారం మదన్ మోహన్ మాలవ్య విగ్రహానికి శ్రద్ధాంజలి ఘటిస్తున్న ప్రధాని మోదీ
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.