జాతీయ వార్తలు
దోమకాటు మరణమూ ప్రమాదమే!
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, జనవరి 1: దోమకాటు వల్ల ఎవరు మరణించినా ప్రమాద కారణంగా జరిగిన మరణంగానే పరిగణించాలని జాతీయ వినియోగదారుల వివాదాల పరిష్కార కమిషన్ స్పష్టం చేసింది. పశ్చిమ బెంగాల్‌కు చెందిన ఓ మహిళ దాఖలు చేసిన కేసు విచారణ సందర్భంగా ఈ మేరకు రూలింగ్ ఇచ్చింది. దీని వల్ల జీవిత బీమా పాలసీలు తీసుకున్న వారికి లబ్ధి చేకూరుతుందని భావిస్తున్నా రు. దోమ కాటు వల్ల మలేరియా వల్ల అనేక మరణాలు సంభవిస్తున్నాయని, దీన్ని కూడా ప్రమాదంగానే పరిగణించాలని న్యాయమూర్తి వికె జైన్ తన రూలింగ్‌లో స్పష్టం చేశారు. ప్రమాదం లాగే దోమకాటు వల్ల మరణిస్తామని ఎవరూ అనుకోరని, ఇది కూడా ఆకస్మికంగా జరిగే పరిణామమేననడంలో ఎలాంటి సందేహం లేదని అన్నారు. పాముకాటు, చలికొరికేయడం, కుక్కకాటు వంటి వాటివల్ల కలిగే మరణాలనూ ప్రమాదాలుగా పరిగణిస్తామని బీమా కంపెనీ వెబ్‌సైట్‌లోనే ఉందని గుర్తు చేశారు. ఈ నేపథ్యంలో దోమకాటు కారణంగా వచ్చే మలేరియాను ప్రమాదంగా కాకుండా వ్యాధిగా భావించడానికి ఎంత మాత్రం వీల్లేదన్నారు. ఈ కేసు పూర్వాపరాలు ఇలా ఉన్నాయి. పశ్చిమ బెంగాల్‌కు చెందిన వౌసమీ భట్టాచార్జీ అనే మహిళ భర్త దెబాసిష్ బ్యాంక్ ఆఫ్ బరోడా నుంచి హౌసింగ్ లోన్ తీసుకున్నాడు. అలాగే నేషనల్ ఇన్సూరెన్స్ కంపెనీ నుంచి పాలసీ కూడా తీసుకున్నాడు. 2012లో దోమకాటు వల్ల మలేరియా రావడంతో ఆయన మరణించాడు. దాంతో తమ ఇంటి రుణాన్ని రద్దు చేయాలని..తన భర్త మరణాన్ని ప్రమాదం వల్ల జరిగినదిగానే పరిగణించాలని భట్టాచార్జీ సదరు బీమా కంపెనీని ఆశ్రయించారు. అక్కడ చుక్కెదురు కావడంతో 2014లో పశ్చిమ బెంగాల్‌లోని జిల్లా వినియోగదారుల ఫోరాన్ని ఆశ్రయించారు. దబాసిష్ మరణించింది ప్రమాదం వల్ల కాదని, దోమకాటు వల్లేనని బీమా కంపెనీ వాదించింది. ఆ వాదనను తిరస్కరించిన ఫోరం భట్టాచార్జీకి అనుకూలంగానే తీర్పునిచ్చింది. దాంతో ఆ బీమా కంపెనీ పశ్చిమ బెంగాల్ వినియోగదారుల కమిషన్‌ను ఆశ్రయించినా ప్రయోజనం లేకపోవడంతో జాతీయ వినియోగదారుల కమిషన్‌ను ఆశ్రయించింది. ఇక్కడ కూడా తాజా రూలింగ్‌తో ఆ కంపెనీకి చుక్కెదురైంది.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.