జాతీయ వార్తలు
తక్షణమే ఉపశమనం
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, జనవరి 5: పెద్ద నోట్ల రద్దు కారణంగా తలెత్తిన సమస్యల నుంచి పేదలకు తక్షణమే, ఇప్పటికిప్పుడే ఉపశమనం కలిగించాల్సిన అవసరం ఎంతో ఉందని రాష్టప్రతి ప్రణబ్ ముఖర్జీ ఉద్ఘాటించారు. తమ సమస్యల పరిష్కారం కోసం నిరీక్షించే ఒపిక వీరికెంత మాత్రం ఉండదని తేల్చిచెప్పారు. పెద్దనోట్ల రద్దు వల్ల తాత్కాలికంగా దేశ ఆర్థిక వ్యవస్థ మందగించే అవకాశం ఉందని కూడా స్పష్టం చేశారు. గవర్నర్లు, లెఫ్టినెంట్ గవర్నర్లనుద్దేశించి గురువారం వీడియోలో మాట్లాడిన ప్రణబ్ ‘నల్లధనం, అవినీతిని రూపుమాపేందుకు చేపట్టిన పెద్ద నోట్ల రద్దు నిర్ణయం ఆర్థిక వృద్ధి మందగించడానికి దారితీయవచ్చు. దీర్ఘకాలంలో ప్రయోజనాలు కలిగించే ఈ నిర్ణయం వల్ల పేదలు తీవ్ర స్థాయిలో ఇబ్బందులకు గురయ్యే అవకాశం ఉంటుంది. ఈ విషయంలో మరింత జాగ్రత్తగా వ్యవహరించడం ఎంతైనా అవసరం’అని ఉద్ఘాటించారు. ఆకలి, నిరుద్యోగం, దోపిడీలకు తావులేని జాతి నిర్మాణంలో పేదలు క్రియాశీలకంగా పాలుపంచుకోవాలంటే ప్రస్తుత సమస్యల నుంచి వారిని గట్టెక్కించే మార్గాలపై తక్షణమే దృష్టి పెట్టాలన్నారు. ప్రధాని మోదీ ఇటీవల తీసుకున్న పలు నిర్ణయాల వల్ల సామాన్యులకు కొంత మేర ఉపశమనం కలిగే అవకాశం ఉందన్నారు. ఈ ఏడాదిలో మొత్తం ఏడు రాష్ట్రాల్లో అసెంబ్లీ ఎన్నికలు జరుగబోతున్నాయని తెలిపిన రాష్టప్రతి నిష్పాక్షికంగా, స్వేచ్ఛాయుతంగా ఎన్నికలను నిర్వహించడం వల్లే భారత ప్రజాస్వామ్యం దేదీప్యమైందన్నారు. ఎన్నికల్లో ఓటర్లను ఆకట్టుకునేందుక పోటాపోటీగా జనాకర్షక నిర్ణయాలు ప్రకటించడం, ప్రజల్ని ఏదో విధంగా ఆకర్షించడమే ధ్యేయంగా మాట్లాడటం, ఓటు బ్యాంకు రాజకీయాలకు పాల్పడటం వంటి వాటికి దూరంగా ఉండాలన్నారు. అన్ని వర్గాల మధ్య సుహృద్భావ వాతావరణం బలోపేతం కావాలని, మతపరమైన ఉద్రిక్తతలు వెర్రితలలు వేయకుండా జాగరూకతతో వ్యవహరించాలని రాష్టప్రతి హెచ్చరించారు.
చిత్రం..గవర్నర్లు, లెఫ్టినెంట్ గవర్నర్లతో గురువారం వీడియో కాన్ఫరెన్స్ ద్వారా
మాట్లాడుతున్న రాష్టప్రతి ప్రణబ్ ముఖర్జీ
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.