జాతీయ వార్తలు
ఎడ్లబండ్ల పోటీలనూ అనుమతించాలి
S ,7 à 8 RSCA (si SASPAS) et 6 cialis pharmacie cialis rapports de stage.
పుణె, జనవరి 22: తమిళనాడులో జల్లికట్టుకు అనుకూలంగా ఆందోళనలు జరుగుతున్న నేపథ్యంలో మహారాష్టల్రో ఎడ్లబండ్ల పందేలపైన నిషేధాన్ని ఎత్తివేయాలని పుణెకు చెందిన శివసేన ఎంపి శివాజీరావు అధల్‌రావు పాటిల్ డిమాండ్ చేశారు. తమిళనాడులో రాష్ట్ర ముఖ్యమంత్రితో పాటుగా అందరూ జల్లికట్టుకు మద్దతుగా నిలిచారని, ముఖ్యమంత్రి ప్రధానిని సైతం కలిశారని ఆయన అంటూ తమిళనాడు సిఎంను స్ఫూర్తిగా తీసుకుని మహారాష్ట్ర ప్రభుత్వం, ముఖ్యమంత్రి దేవేంద్ర ఫడ్నవిస్ కూడా ప్రధానిని కలిసి రాష్ట్రంలో ఎడ్లబండ్ల పోటీలపై నిషేధాన్ని ఎత్తివేస్తూ కేంద్ర ఆర్డినెన్స్ జారీ చేయాలని కోరాలనేదే మా డిమాండ్ ఆయన అన్నారు. ఎడ్లబండ్ల పోటీలపై నిషేధాన్ని ఎత్తివేయాలని డిమాండ్ చేస్తూ శనివారం చాకన్‌లో ఎడ్లబండ్ల యజమానులు పార్టీలకతీతంగా రాజకీయ నాయకులు ఆందోళన నిర్వహించినట్లు ఆయన చెప్పారు. ‘దీనిపై న్యాయస్థానంలో న్యాయపోరాటం జరుగుతోంది.. అది తన పని తాను చేసుకుపోతుంది. అయితే రాష్ట్ర ప్రభుత్వం, ముఖ్యమంత్రి జోక్యం చేసుకుని రాష్ట్రంలో ఎడ్లబండ్ల పోటీలపై నిషేధాన్ని ఎత్తివేస్తూ ఆర్డినెన్స్ తీసుకురావాలని ప్రధానిని కోరాల్సిన సమయం వచ్చింది’ అని పాటిల్ అన్నారు. జల్లికట్టు ఆర్డినెన్స్‌ను తాము సుప్రీంకోర్టులో సవాలు చేస్తామని పుణెకు చెందిన జంతుప్రేమికులు చెప్పారు. జనం ఒత్తిడితో జారీచేసిన ఈ ఆర్డినెన్స్ న్యాయ వ్యవస్థను పూర్తిగా అవహేళన చేయడమేనంటూ సర్వజీవ మంగళ్ ప్రతిష్ఠాన్, పీపుల్ ఫర్ యానిమల్స్ సంస్థలు ఒక ప్రకటనలో పేర్కొన్నాయి.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.