జాతీయ వార్తలు
పట్టాలు తప్పిన వాస్కోడిగామా ఇంజన్
S ,7 à 8 RSCA (si SASPAS) et 6 cialis pharmacie cialis rapports de stage.
తిరుపతి, జనవరి 22: తిరుపతి నుంచి గోవాకు వెళ్లే వాస్కోడిగామా-గోవా ఎక్స్‌ప్రెస్ రైలింజన్ ఆదివారం తెల్లవారుజామున 2.30 గంటల ప్రాంతంలో తిరుపతి రైల్వేస్టేషన్ యార్డులో పట్టాలు తప్పింది. ఇంజన్‌కు సంబంధించిన మూడు చక్రాలు పట్టాలు తప్పాయి. యార్డ్ మేనేజర్ ఇచ్చిన సిగ్నల్స్‌ను ఇంజన్ డ్రైవర్ పట్టించుకోకుండా రావడంతో ఈ ప్రమాదం జరిగినట్లు అధికారులు నిర్ధారించారు. కాగా ఆ సమయంలో రైలు బోగీల్లో ప్రయాణికులు లేకపోవడంతో అధికారులు ఊపిరి పీల్చుకున్నారు. సమాచారం తెలుసుకున్న రైల్వే మేనేజర్ సుబోద్‌మిత్ర సంఘటనా స్థలానికి చేరుకుని పరిశీలించి తక్షణం మరమ్మతు చర్యలు చేపట్టారు. అయితే రైలు ఇంజన్ పట్టాలు తప్పడానికి ఉన్న కారణాలపై విచారణ జరిపించాలని ఉన్నతాధికారులు తిరుపతి రైల్వే అధికారులను ఆదేశించారు. దీనిపై 24న విచారణ జరగనున్నట్లు రైల్వే అధికారులు తెలిపారు. తిరుపతి-గోవా మధ్య గత నెల 29వ తేదీన కేంద్ర రైల్వే మంత్రి సురేష్‌ప్రభు తిరుపతి నుంచి గోవాకు వాస్కోడిగామా ఎక్స్‌ప్రెస్‌ను ప్రారంభించారు. శనివారం ఉదయం 5.30 గంటలకు వాస్కోడిగామా ఎక్స్‌ప్రెస్ గోవా నుంచి తిరుపతికి చేరుకుంది. ఆదివారం తెల్లవారుజామున 2.45 గంటలకు ప్లాట్‌ఫాం నుంచి యార్డులోకి తీసుకెళ్లే సమయంలో ఇంజిన్ డ్రైవర్ యార్డ్ సిగ్నల్‌ను పట్టించుకోకుండా రావడంతో రైలింజిన్ మూడు చక్రాలు పట్టాలు తప్పాయి. ఈ సంఘటనపై రైల్వే సీనియర్ మేనేజర్ సుబోధ్‌మిత్ర తనను కలిసిన విలేఖరులతో మాట్లాడుతూ డ్రైవర్ అనాలోచిత విధానంతో ఈ ప్రమాదం జరిగిందని, అయితే ఇతర రైళ్ల రాకపోకలకు ఎలాంటి అవాంతరం ఏర్పడలేదన్నారు. రైల్వే ట్రాక్ కూడా దెబ్బతినలేదని స్పష్టం చేశారు. ఈ ఘటనపై ఈనెల 24న విచారణ చేపట్టనున్నట్లు చెప్పారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.