జాతీయ వార్తలు
గాడ్సే ఏం చెప్పాడు!
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, ఫిబ్రవరి 17: మహాత్మాగాంధీ హత్యకు సంబంధించిన ఇతర రికార్డులతో పాటుగా ఆయనను కాల్చి చంపిన నాథూరామ్ గాడ్సే ఇచ్చిన స్టేట్‌మెంట్‌ను జాతీయ ప్రాచ్య పత్ర భాండాగారం (నేషనల్ ఆర్కైవ్స)కు చెందిన వెబ్‌సైట్‌లో తక్షణం ఉంచాలని కేంద్ర సమాచార కమిషన్(సిఐసి) తీర్పు చెప్పింది. ‘నాథూరాం గాడ్సే, ఆయన సహ నిందితుడి వైఖరులను ఎవరైనా అంగీకరించకపోవచ్చు, అం తమాత్రాన ఆయన అభిప్రాయాన్ని వెల్లడించడానికి లేదా సర్క్యులేషన్‌కు కానీ నిరాకరించడానికి వీల్లేదు’ అని సమాచార కమిషనర్ శ్రీ్ధర్ ఆచార్యులు తన ఉత్తర్వులో పేర్కొన్నారు. ‘అదే సమయంలో నాథూరామ్ గాడ్సేకికానీ, ఆయన వాదన, లేదా అభిప్రాయం కలిగి ఉన్న వ్యక్తికికానీ వాటిని అంగీకరించని వ్యక్తిని చంపేదాకా వెళ్లే అధికారం కూడా లేదు’ అని ఆయన తన ఉత్తర్వులో స్పష్టం చేశారు. నాథూరాం గాడ్సే 1948 జనవరి 30న మహాత్మాగాంధీని కాల్చి చంపిన విషయం తెలిసిందే. గాంధీజీ హత్యకు సంబంధించిన చార్జిషీట్, గాడ్సే స్టేట్‌మెంట్‌తోపాటుగా ఇతర వివరాలు ఇవ్వాలని పిటిషనర్ అశుతోష్ బన్సల్ ఆర్‌టిఐ దరఖాస్తులో ఢిల్లీ పోలీసులను కోరారు. అయితే ఆ రికార్డులను నేషనల్ ఆర్కైవ్స్ ఆఫ్ ఇండియాకు అప్పగించినట్లు పేర్కొం టూ ఢిల్లీ పోలీసులు ఆయన దరఖాస్తును వారికి పంపించారు. అయితే రికార్డులు పరిశీలించి తనకు కావలసిన సమాచారాన్ని వెతికి తీసుకోవాలని నేషనల్ ఆర్కైవ్స్ బన్సల్‌కు సూచించింది. దీంతో బన్సల్ సిఐసిని ఆశ్రయించారు. కాగా, కావలసిన రికార్డులను ఫోటోకాపీ చేసుకోవడానికి పేజికి 3 రూపాయలను వసూలు చేయవద్దని, ఎందుకంటే సమాచార హక్కు చట్టం ప్రకారం అలా వసూలు చేయడానికి వీలు లేదని కూడా శ్రీ్ధర ఆచార్యులు ఎన్‌ఐఏ కేంద్ర ప్రజా సంబంధాల కమిషనర్‌ను ఆదేశించారు. పిటిషనర్ కోరిన సమాచారాన్ని వెల్లడించడానికి ఢిల్లీ పోలీసులు కానీ, నేషనల్ ఆర్కైవ్స్ కానీ అభ్యంతరం చెప్పనప్పటికీ ఈ సమాచారం ప్రత్యేక క్లాజ్‌ల పరిధిలోకి రాదని శ్రీ్ధర ఆచార్యులు స్పష్టం చేశారు. సమాచారం 20 ఏళ్లపైబడినదైతే, సమాచార హక్కు చట్టం 8(1)(ఏ) పరిధిలోకి రాని పక్షంలో ఆ సమాచారాన్ని ఆపడానికి వీలు లేదని ఆయన ఆ ఉత్తర్వులో పేర్కొన్నారు. దే శ భద్రతకు లేదా విదేశాలతో సంబంధాలకు విఘాతం కలిగించే సమాచారాన్ని వెల్లడించడాన్ని ఈ క్లాజ్ నిషేధిస్తోంది.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.