జాతీయ వార్తలు
పాకిస్తాన్‌తో చర్చల ప్రక్రియ నిలిచిపోలేదు
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, ఏప్రిల్ 22: భారత్-పాకిస్తాన్ మధ్య చర్చల ప్రక్రియ నిలిచిపోలేదని భారత విదేశీ వ్యవహారాల మంత్రిత్వ శాఖ శుక్రవారం స్పష్టం చేసింది. పాకిస్తాన్ దౌత్యవేత్త భారత్-పాకిస్తాన్ చర్చలపై ఇటీవల ఇక్కడ వివాదాస్పద వ్యాఖ్యలు చేసిన నేపథ్యంలో భారత్ ఈ వివరణ ఇచ్చింది. ‘పాకిస్తాన్‌తో చర్చల ప్రక్రియను నిలిపివేయలేదు. పఠాన్‌కోట్ వైమానిక స్థావరంపై జరిగిన దాడి విషయంలో దర్యాప్తు చేస్తున్న పాకిస్తాన్ జాయింట్ ఇనె్వస్టిగేషన్ టీమ్ (జిట్) పఠాన్‌కోట్ సందర్శన ‘చాలా నిర్మాణాత్మక’ రీతిలో జరిగింది’ అని విదేశీ వ్యవహారాల మంత్రిత్వ శాఖ అధికార ప్రతినిధి వికాస్ స్వరూప్ ఇక్కడ విలేఖరుల సమావేశంలో చెప్పారు. జిట్ పఠాన్‌కోట్ సందర్శన ‘చాలా నిర్మాణాత్మక, సహకారపూరిత వాతావరణం’లో జరిగిందని ఆయన అన్నారు. అన్ని రకాల ఉగ్రవాదంపై యుద్ధంలో సహకారాన్ని స్వాగతిస్తున్నామని ఆయన చెప్పారు. పాకిస్తాన్‌తో చర్చల ప్రక్రియను నిలిపివేయలేదని ఆయన నొక్కిచెప్పారు. ఇరు దేశాల మధ్య చర్చల ప్రక్రియ నిలిచిపోయినట్లు ఇటీవల పాకిస్తాన్ దౌత్యవేత్త ఢిల్లీలో చేసిన ప్రకటన వివాదాస్పదమైన విషయం తెలిసిందే. అయితే తమ దౌత్యవేత్త ప్రకటనను భారత ప్రసార సాధనాలు ఎక్కువ చేసి ప్రచారం చేశాయని పాకిస్తాన్ నిందించింది. ‘పొరుగు దేశాలయిన భారత్, పాకిస్తాన్‌లు శాంతి, సామరస్యంతో సాగాలి. అబ్దుల్ బాసిత్ వ్యాఖ్యలను ఇండియన్ మీడియా ఎక్కువ చేసి ప్రచారం చేయాల్సిన అవసరం లేదు. అది సరికాదు’ అని పాకిస్తాన్ విదేశాంగ శాఖ అధికార ప్రతినిధి నఫీస్ జకారియా ఇస్లామాబాద్‌లో విలేఖరుల సమావేశంలో అన్నారు. అబ్దుల్ బాసిత్ చేసిన వ్యాఖ్యల గురించి అడిగిన ఒక ప్రశ్నకు ఆయన సమాధానమిస్తూ, ‘ఈ ప్రశ్న మళ్లీ మళ్లీ అడిగారు. భారత్ ఎప్పుడు ముందుకొచ్చినా ఆ దేశంతో చర్చలు జరపడానికి పాకిస్తాన్ సిద్ధంగా ఉంటుందని నేను ఇటీవలి ప్రకటనలకు జత చేస్తున్నాను. అయితే ఇరువర్గాలు ఉపయోగించిన పదాలపై చర్చలోకి నేను వెళ్లబోను’ అని జకారియా అన్నారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.