జాతీయ వార్తలు
రామమందిర నిర్మాణానికి ముస్లింలు మద్దతు ఇవ్వాలి
S ,7 à 8 RSCA (si SASPAS) et 6 cialis pharmacie cialis rapports de stage.
జంషెడ్పూర్, మార్చి 23: అయోధ్యలోని వివాదాస్పద రామజన్మభూమి-బాబ్రీ మసీదు స్థలంలో రామమందిర నిర్మాణాన్ని సమర్థించాలని బిజెపి సీనియర్ నేత సుబ్రహ్మణ్య స్వామి గురువారం ముస్లింలను కోరారు. ‘్భరత పురాతత్వ పరిశోధనా సంస్థ సర్వే తర్వాత వివాదాస్పద స్థలంలో ఆలయ కట్టడం బైటపడిన స్థలంలో మాత్రమే రామమందిరాన్ని నిర్మించగల’మని 1931లో ఇదేరోజు ఉరితీసిన భగత్‌సింగ్, రాజ్‌గురు, సుఖ్‌దేవ్‌లకు నివాళి అర్పించడం కోసం ఏర్పాటుచేసిన ఒక కార్యక్రమంలో మాట్లాడుతూ స్వామి చెప్పారు. వివాదాస్పద స్థలంలో ఆలయ కట్టడం బైటపడినట్లు అలహాబాద్ హైకోర్టు 2003లోనే స్పష్టం చేసినట్లు ఆయన అన్నారు. మందిరాన్ని కూల్చివేసిన తర్వాత బాబ్రీ మసీదును నిర్మించడం జరిగిందని, అందువల్ల హిందువులు చాలాకాలంగా మందిర నిర్మాణాన్ని డిమాండ్ చేస్తున్నారని స్వామి చెప్పారు. ‘సామరస్యంగా సమస్య పరిష్కారమైతే సరేసరి, లేనిపక్షంలో 2018 ఏప్రిల్ నాటికి రాజ్యసభలో మాకు మెజారిటీ లభించినప్పుడు అయోధ్యలో భవ్య రామాలయ నిర్మాణంకోసం ఒక చట్టాన్ని తీసుకువస్తాం’ అని ఆయన స్పష్టం చేశారు. వివాదాస్పద స్థలంలో మందిర నిర్మాణానికి సామరస్య పూర్వక పరిష్కారానికి ముస్లింలు ముందుకు వస్తే సంతోషిస్తాం. లేనిపక్షంలో షాబానో కేసులో గత రాజీవ్ గాంధీ ప్రభుత్వం ఏం చేసిందో మేము కూడా అదేబాటలో నడుస్తాం’ అని సుబ్రహ్మణ్య స్వామి చెప్పారు. ‘మథుర, కాశి, అయోధ్య ఈ మూడు స్థలాలనుంచి ఖాళీ చేయమని మాత్రమే మేము ముస్లింలను కోరుతున్నాం’ అని ఆయన అంటూ, 2024 నాటికల్లా ఈ మూడు స్థలాలు స్వేచ్ఛను పొందుతాయన్న ఆశాభావాన్ని వ్యక్తం చేశారు.
ఈ వివాదంతో సంబంధం ఉన్న అన్ని పక్షాలతోను చర్చించాలని సుప్రీంకోర్టు సుబ్రహ్మణ్య స్వామిని కోరిన విషయం తెలిసిందే. కాగా, ఈ విషయమై తాను మజ్లిస్ పార్టీ అధ్యక్షుడు సలావుద్దీన్ ఒవైసీ, బాబ్రీ మసీదు కార్యాచరణ కమిటీ కన్వీనర్ జఫర్యాబ్ జిలానీలతో చర్చించినట్లు స్వామి చెప్పారు. ముస్లిం నాయకులు ద్వైపాక్షిక చర్చలకు అంగీకరించడం లేదని, సుప్రీంకోర్టు మధ్యవర్తిత్వాన్ని కోరుతున్నారని ఆయన చెప్పారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.