జాతీయ వార్తలు
చట్టాన్ని సవరించాల్సిన అవసరమే లేదు!
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, ఏప్రిల్ 4: ఎన్నికల్లో ఓటు వేయడానికి ఇవిఎంలకు బదులు బ్యాలెట్ పత్రాలను ఉపయోగించడానికి చట్టాన్ని సవరించాల్సిన అవసరం లేదు కానీ ఎన్నికల కమిషన్ మాత్రం ఇవిఎంలే అత్యంత సురక్షితమైన, విశ్వసనీయమైనవిగా భావిస్తోంది. అయిదు రాష్ట్రాల్లో ఇటీవల జరిగిన అసెంబ్లీ ఎన్నికల తర్వాత ఎలక్ట్రానిక్ ఓటింగ్ యంత్రాల విశ్వసనీయతపై అనుమానాలు వ్యక్తమవుతుండడంతో కాంగ్రెస్, బిఎస్పీ, ఆమ్ ఆద్మీ పార్టీలాంటి కొన్ని ప్రతిపక్ష పార్టీలు భవిష్యత్తులో జరగబోయే ఎన్నికల్లో ఓటు వేయడానికి గతంలో మాదిరిగా బ్యాలెట్ పేపర్లు, బ్యాలెట్ బాక్స్‌లను ఉపయోగించాలని గట్టిగా కోరుతున్న విషయం తెలిసిందే. తిరిగి పాత పద్ధతికి వెళ్లాల్సి వస్తే చట్టాన్ని సవరించాల్సి ఉంటుందా అనే అనుమానాలు కూడా ఉన్నాయి. అయితే బ్యాలెట్ పేపర్ విధానానికి తిరిగి మారాలంటే ప్రజాప్రాతినిధ్య చట్టాన్ని సవరించాల్సిన అవసరం ఉందా? అని ఎన్నికల కమిషన్‌కు చెందిన ఉన్నతాధికారిని పిటిఐ అడిగినప్పుడు అవసరం లేదని ఆయన చెప్పారు. ఓటు వేయడానికి ఇవిఎంలు, బ్యాలెట్ పత్రాలు రెండింటిని ఉపయోగించడానికి చట్టంలో వీలు ఉందని ఆ అధికారి చెప్పారు. చట్టాన్ని సవరించాల్సిన అవసరం లేదని, అయితే ఎవిఎంలను ఉపయోగించాలా లేక బ్యాలెట్ పత్రాలనా అనేది ఎన్నికల కమిషన్ ఇష్టమని కూడా ఆయన అన్నారు. కాగా, ఇవిఎంలపై ఉన్న అనుమానాలు, అపోహలను తొలగించడానికి ఇవిఎంలను హ్యాక్ చేసి చూపించమని కోరుతూ రాజకీయ పార్టీలను, ఇతరులను ఆహ్వానించాలని ఇసి భావిస్తోంది.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.