జాతీయ వార్తలు
ఇందిర నిర్ణయాత్మక శక్తి అమోఘం
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, మే 13: ఇందిరాగాంధీ ప్రపంచంలో ఏ ప్రజాస్వామ్య దేశంలోనైనా అందరికంటే ఎక్కువ ఆమోదయోగ్యురాలైన ప్రధాన మంత్రి అని రాష్టప్రతి ప్రణబ్ ముఖర్జీ తెలిపారు. పార్టీలో సంస్థాగతంగా కానీ, ప్రధానిగా పరిపాలనలో కానీ అత్యంత వేగంగా తీసుకునే ఆమె నిర్ణయాత్మక శక్తి అమోఘమైనదని ఆయన ప్రశంసించారు. ‘‘ఇండియాస్ ఇందిర, ఏ సెంటెన్నియల్ ట్రిబ్యూట్’’ అన్న గ్రంథాన్ని ఆయన ఆవిష్కరించారు. ఈ సందర్భంగా ఆయన మాట్లాడుతూ ప్రస్తుత కాంగ్రెస్ నాయకత్వానికి గట్టి సందేశానే్న ఇచ్చారు. నిర్ణయాలు తీసుకోవటంలో ఆలస్యం చేయటం వల్ల పార్టీ ఏ విధంగా నష్టపోతుందో పరోక్షంగా హెచ్చరించారు. 1978లో కాంగ్రెస్ రెండోసారి చీలిపోయిన తరువాత ఇందిర ఎంత వేగంగా పార్టీ నిర్మాణాన్ని పటిష్ఠపరచి తిరిగి అధికారంలోకి వచ్చిందో వివరించారు. 20వ శతాబ్దాన్ని అత్యంత ప్రభావితం చేసిన వ్యక్తుల్లో ఇందిర అగ్రశ్రేణి నేత అని ఆయన కొనియాడారు. ‘‘జనవరి 2, 1978లో ఇందిర పార్టీ అధ్యక్ష పదవిని చేపట్టారు. జనవరి 20నాటికి అంటే కేవలం 18రోజుల్లో ఆమె వర్కింగ్ కమిటీ, పార్లమెంటరీ బోర్డును ఏర్పాటు చేశారు. పిసిసిలు, ఏఐసిసి నిర్మాణాన్నీ పూర్తి చేశారు. మహారాష్ట్ర, ఆంధ్రప్రదేశ్, కర్ణాటక, అస్సాం అసెంబ్లీ ఎన్నికలకు పార్టీని సన్నద్ధం చేశారు. ఏపి, కర్ణాటకలో రెండింట మూడు వంతుల మెజార్టీతో ఘనవిజయాన్ని సాధించారు. మహారాష్టల్రో అతి పెద్ద పార్టీగా కాంగ్రెస్ అవతరించింది’’ అని ప్రణబ్ వివరించారు.
ఈ కార్యక్రమంలో ఉపరాష్టప్రతి హమీద్ అన్సారీ, మాజీ ప్రధాని మన్మోహన్‌సింగ్, కాంగ్రెస్ ఉపాధ్యక్షుడు రాహుల్ గాంధీ, పార్టీ సీనియర్ నేతలు ఆనంద్‌శర్మ తదితరులు పాల్గొన్నారు.
చిత్రం..శనివారం ఢిల్లీలో నిర్వహించిన ఒక కార్యక్రమంలో మాజీ ప్రధాని ఇందిరాగాంధీపై ముద్రించిన పుస్తకాన్ని ఆవిష్కరిస్తున్న రాష్టప్రతి ప్రణబ్. చిత్రంలో ఉపరాష్టప్రతి హమీద్ అన్సారీ, మాజీ ప్రధాని మన్మోహన్ సింగ్, ఎఐసిసి ఉపాధ్యక్షుడు రాహుల్ తదితరులు
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.