జాతీయ వార్తలు
కర్ణన్‌కు నో రిలీఫ్!
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, మే 15: కోల్‌కతా హైకోర్టు న్యాయమూర్తి సిఎస్ కర్ణన్‌కు మళ్లీ సుప్రీం కోర్టులో చుక్కెదురైంది. జైలు శిక్ష తీర్పును వెనక్కి తీసుకోవాలన్న ఆయన అభ్యర్థనను సర్వోన్నత న్యాయస్థానం తిరస్కరించింది. తమ క్లయింట్ అభ్యర్థనను విచారించాలంటూ మరోసారి కర్ణన్ న్యాయవాది చేసిన ప్రయత్నాలూ విఫలమయ్యాయి. తక్షణ ప్రాతిపదికన ఈ పిటిషన్‌ను విచారించాల్సిన అవసరం ఏమిటని ప్రశ్నించిన సుప్రీం కోర్టు ‘ఇది రావాల్సిన సమయంలోనే విచారణకు వస్తుంది’అని స్పష్టం చేసింది. కోర్టు ధిక్కార కేసులో కర్ణన్‌కు ఆర్నెల్ల జైలు శిక్షను సుప్రీం కోర్టు బెంచి విధించినప్పటి నుంచి ఆయన అరెస్టు వ్యవహారం మలుపుల మయంగా మారింది. తీర్పు వెలువడి ఆరు రోజులు గడిచినప్పటికీ కర్ణన్ ఎక్కడున్నదీ ఎవరికీ అంతుబట్టడం లేదు. పశ్చిమ బెంగాల్, తమిళనాడు, ఆంధ్ర ప్రదేశ్‌లలో అనే చోట్ల పోలీసు బృందాలు కర్ణన్ కోసం గాలిస్తున్నాయి. కర్ణన్ ఎక్కడికీ వెళ్లలేదని, చెన్నైలోనే ఉన్నారంటూ ఆయన తరపు న్యాయవాది మాధ్యూస్ నెదుంపర కోర్టుకు స్పష్టం చేసినప్పటికీ ఇంత వరకూ ఆయన ఆచూకీ తెలియనే లేదు. ఈ నేపథ్యంలో ఆయన దేశం వదిలి వెళ్లిపోయి ఉండవచ్చునన్న అనుమానాలూ వ్యక్తమవుతున్నాయి. బహుశా శ్రీలంకకు ఆయన వెళ్లి ఉండవచ్చునన్న కథనాలూ వెలువడుతున్నాయి. ఓ న్యాయమూర్తే పోలీసులకు దొరక్కుండా తప్పించుకు తిరగడం అన్నది దేశ భద్రతా వ్యవస్థపైనే అనుమానాలకు ఆస్కారం ఇస్తోంది.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.