జాతీయ వార్తలు
రైతు రుణాల మాఫీ ప్రతిపాదన లేదు: జైట్లీ
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, జూన్ 20: వ్యవసాయ రుణాలను మాఫీ చేసేందుకు సంబంధించి ఎలాంటి ప్రతిపాదననూ కేంద్రం పరిశీలించడం లేదని ఆర్థిక మంత్రి అరుణ్ జైట్లీ స్పష్టం చేశారు. పంజాబ్ ప్రభుత్వం రాష్ట్రంలోని పది లక్షల మంది రైతుల రుణాలను మాఫీ చేసిన ఒక రోజు తర్వాత జైట్లీ ఈ విషయం చెప్పడం గమనార్హం. ‘అలాంటి ప్రతిపాదన ఏదీ లేదు. ఎఫ్‌ఆర్‌ఎంబి చట్టం, ద్రవ్య లోటు లక్ష్యాలు మాకు ఉన్నాయి. వాటికే కట్టుబడి ఉండాలని మేము అనుకుంటున్నాం’ అని మంగళవారం ఇక్కడ విలేఖరులతో మాట్లాడుతూ జైట్లీ చెప్పారు. 2017-18 ఆర్థిక సంవత్సరం కేంద్రం బడ్జెట్‌లో ద్రవ్య లోటును అంతకు ముందు ఆర్థిక సంవత్సరంలో ఉండిన 3.5 శాతంనుంచి 3.2 శాతానికి తగ్గించాలని ప్రతిపాదించిన విషయం తెలిసిందే. రాబోయే మూడేళ్లలో అంటే 2020 మార్చి నాటికి బడ్జెట్ లోటును జిడిపిలో 3 శాతానికి పరిమితం చేయాలని మాజీ రెవిన్యూ కార్యదర్శి ఎన్‌కె సింగ్ నేతృత్వంలోని ఆర్థిక జవాబుదారీ, బడ్జెట్ నిర్వహణ (ఎఫ్‌ఆర్‌బిఎం) కమిటీ సిఫార్సు చేసింది. అంతేకాదు 2022-23 ఆర్థిక సంవత్సరం నాటికి దీన్ని 2.5 శాతానికి తగ్గించాలని కూడా ఆ కమిటీ సూచించింది. ఈ ఏడాది రబీ సీజన్‌లో పంటలు పుష్కలంగా పండినప్పటికీ దేశీ మార్కెట్‌తో పాటుగా అంతర్జాతీయంగా కూడా ఆహారోత్పత్తుల ధరలు గణనీయంగా పడిపోవడంతో రైతులు సంక్షోభంలో కొట్టుమిట్టాడుతున్నారు. దీంతో తాము పండించిన పంటలకు అధిక మద్దతు ఇవ్వాలని, వ్యవసాయ రుణాలను మాఫీ చేయాలని కోరుతూ పలు రాష్ట్రాల్లో రైతులు ఆందోళన చేస్తుండడం తెలిసిందే.
చిత్రం.. మంగళవారం ఢిల్లీలో విలేఖరులతో మాట్లాడుతున్న కేంద్రమంత్రి జైట్లీ
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.