జాతీయ వార్తలు
యుపిలో వక్ఫ్‌బోర్డు సభ్యుల పునర్నియామకం
S ,7 à 8 RSCA (si SASPAS) et 6 cialis pharmacie cialis rapports de stage.
లక్నో, జూన్ 23: షియా వక్ఫ్‌బోర్డు సభ్యుల తొలగింపు వ్యవహారంలో ఉత్తరప్రదేశ్ ప్రభుత్వానికి ఎదురుదెబ్బ తగిలింది. ఆరుగురు నామినేటెడ్ సభ్యులను తొలగిస్తూ యుపి ప్రభుత్వం తీసుకున్న నిర్ణయాన్ని అలహాబాద్ హైకోర్టు శుక్రవారం కొట్టివేయడంతో పాటు వారిని తిరిగి నియమిస్తూ జస్టిస్ రాజన్‌రాయ్, జస్టిస్ ఎస్.ఎన్.అగ్నిహోత్రి ఈ ఆదేశాలు జారీచేశారు. అయితే ఇందుకు సంబంధించి చట్ట ప్రకారం వ్యవహరించేలా హైకోర్టు రాష్ట్ర ప్రభుత్వానికి స్వేచ్ఛను కల్పించింది. వక్ఫ్ ఆస్తులకు సంబంధించి అక్రమాలకు పాల్పడుతున్నారంటూ ఈ నెల 16న షియా వక్ఫ్‌బోర్డుకు చెందిన ఆరుగురు సభ్యులను తొలగించింది. ప్రభుత్వ నిర్ణయాన్ని సవాలు చేస్తూ అలీమా జైదీ నాయకత్వంలో వీరు హైకోర్టును ఆశ్రయించారు. వీరంతా సమాజ్‌వాది పార్టీ ప్రభుత్వ హయాంలో నియమితులైనవారు కావడం గమనార్హం. వక్ఫ్ నిధుల్లో బోర్డు సభ్యులు కోట్లాది రూపాయలను అవినీతికి పాల్పడ్డారని, దీనిపై సిబిఐ విచారణకు సిఫార్సు చేయడంతో పాటు షియా, సున్నీ వక్ఫ్ బోర్డులను రద్దుచేస్తూ యుపి ప్రభుత్వం 15న ఉత్తర్వులు జారీచేసిన విషయం విదితమే. ఈ రెండు బోర్డుల పరిధిలో వున్న ఆస్తులకు సంబంధించి అనేక అక్రమాలు చోటుచేసుకున్నాయని తీవ్ర ఆరోపణలు ఉన్నాయి. ఇందులో షియా వక్ఫ్‌బోర్డు చైర్మన్ వాసిమ్ రిజ్వీతోపాటు గత ప్రభుత్వంలో వక్ఫ్ శాఖ మంత్రిగా పనిచేసిన ఆజమ్‌ఖాన్ కీలక పాత్ర ఉందనే ఆరోపణలు ఉన్నాయి. దీంతో వక్ఫ్ కౌన్సిల్ విచారణను కూడా వీరు ఎదుర్కొంటున్నారు. ఆజంఖాన్ మాత్రం ఆరోపణలన్నీ నిరాధారమని కొట్టివేశారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.