జాతీయ వార్తలు
ఇద్దరు మిలిటెంట్లు హతం
S ,7 à 8 RSCA (si SASPAS) et 6 cialis pharmacie cialis rapports de stage.
శ్రీనగర్, జూన్ 25: శ్రీనగర్ శివార్లలో శనివారం సిఆర్‌పిఎఫ్ కాన్వాయ్‌పై దాడి చేసి శ్రీనగర్- జమ్మూ, నేషనల్ హైవేపై ఉన్న ఢిల్లీ పబ్లిక్ స్కూలులో దాగిన ఇద్దరు మిలిటెంట్లను భద్రతా దళాలు ఆదివారం సాయంత్రం మట్టుపెట్టడంతో 14 గంటలుగా సాగుతున్న ఎన్‌కౌంటర్‌కు తెరపడింది. నగర శివార్లలో పంథాచౌక్ వద్ద సిఆర్‌పిఎఫ్ బృందంపై మిలిటెంట్లు జరిపిన దాడిలో ఒక అధికారి మృతి చెందగా మరో కానిస్టేబుల్ గాయపడ్డం తెలిసిందే. ఈ దాడి తర్వాత మిలిటెంట్లు పారిపోయి అక్కడికి దగ్గర్లో ఉన్న ఢిల్లీ పబ్లిక్ స్కూల్లోకి చొరబడ్డారు. శ్రీనగర్‌లోని ఆర్మీ కోర్ ప్రధాన కార్యాలయానికి కిలోమీటర్ దూరంలోనే ఈ స్కూలుఉంది. వెంటనే భద్రతా దళాలు ఏడు భవనాలు, 36 గదులున్న ఆ స్కూలు భవనాన్ని చుట్టుముట్టి నిన్న రాత్రే అక్కడున్న సిబ్బందినందరినీ ఖాళీ చేయించారు. స్కూలు భవనంలో దాగి ఉన్న మిలిటెంట్లను బైటికి రప్పించడం కోసం ఆదివారం తెల్లవవారుజామునుంచి భద్రతా దలాలు ఆపరేషన్‌ను ప్రారంభించాయి. తెల్లవారుజామున 3.40 గంటల ప్రాంతంలో భద్రతా దళాలకు, మిలిటెంట్లకు మధ్య కాల్పులు మొదలైనట్లు పోలీసు అధికారి ఒకరు చెప్పారు. ఎన్‌కౌంటర్ ముగిసిందని, ఇద్దరు మిలిటెంట్లు హతమైనారని ఆదివారం సాయంత్రం ఓ అధికారి చెప్పారు. అయితే భవనంలో గాలింపు చర్యలు ఇంకా కొనసాగుతున్నాయని ఆ అధికారి తెలిపారు. ఇరుపక్షాల కాల్పుల్లో ఇద్దరు ఆర్మీ జవాన్లు గాయపడ్డారని వారిని ఆస్పత్రిలో చేర్చినట్లు ఆ అధికారి తెలిపారు. ఎన్‌కౌంటర్ జరిగిన చోట నిరసన ప్రదర్శనలు జరగకుండా చూడడం కోసం ముందుజాగ్రత్త చర్యగా జాతీయ రహదారిపై రామ్ మున్షీబాద్‌నుంచి సేంపోరా వరకు నిషేధాజ్ఞలు విధించడంతో పాటుగా మొబైల్ నెట్‌వర్క్‌లను సైతం నిలిపివేశారు.
చిత్రం.. ఎన్‌కౌంటర్ నేపథ్యంలో పహరా కాస్తున్న భద్రతా సిబ్బంది
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.