జాతీయ వార్తలు
కేబుల్ కారు కూలి ఏడుగురు మృతి
S ,7 à 8 RSCA (si SASPAS) et 6 cialis pharmacie cialis rapports de stage.
శ్రీనగర్, జూన్ 25: కాశ్మీర్‌లో ప్రముఖ పర్యాటక కేంద్రమైన గుల్మార్గ్‌లో కేబుల్ కారు కూలిపోవడంతో ఏడుగురు చనిపోగా, మరో ఇద్దరు గాయపడ్డారు. చనిపోయిన వారిలో నలుగురు ఢిల్లీలోని షాలిమార్ బాగ్‌కు చెందిన జయంత్ అంద్రాస్కర్, ఆయన భార్య, ఇద్దరు కుమార్తెలున్నారు. కాగా, మిగతా ముగ్గురు టూరిస్టు గైడ్‌లుగా పని చేసే స్థానికులని అధికారులు చెప్పారు. పెనుగాలుల తాకిడికి విరిగి పడిన ఓ చెట్టు గుల్మార్గ్ గోండోలా రోప్‌వే కేబుల్ లైన్లపై పడ్డంతో వైర్లు తెగిపోయి కేబుల్ కారు కూలిపోయిందని అధికారులు తెలిపారు. గాయపడిన ఇద్దరిని శ్రీనగర్‌లోని ఆస్పత్రికి తరలించారు. కాగా, ఈ ప్రమాదం కారణంగా రోప్‌వేను ఉపయోగించుకున్న సుమారు వందమంది చిక్కుపడి పోయారని, వారిని కాపాడేందుకు సహాయక చర్యలు చేపట్టామని ఈ రోప్‌వేను నిర్వహించే జమ్మూ, కాశ్మీర్ రాష్ట్ర కేబుల్ కార్ కార్పొరేషన్ జనరల్ మేనేజర్ రియాజ్ అహ్మద్ తెలిపారు. కాగా, ఈ ప్రమాదంపై కాశ్మీర్ మాజీ ముఖ్యమంత్రి ఒమర్ అబ్దుల్లా దిగ్భ్రాంతి వ్యక్తం చేస్తూ గాలి ఉద్ధృతి ఎక్కువగా ఉన్నప్పుడు కేబుల్ కారు సేవలను ఎందుకు నిలిపివేయలేదని ప్రశ్నించారు.
చిత్రం.. కేబుల్ కార్ కూలిపోవడానికి కారణమైన చెట్టు
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.