జాతీయ వార్తలు
లాలూ కుమార్తె ఫామ్‌హౌస్‌ల్లో ఈడి సోదాలు
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, జూలై 8: బీహార్ మాజీ సిఎం, ఆర్జేడీ పార్టీ అధినేత లాలూ ప్రసాద్ యాదవ్ తనయ ఎంపి మీసా భారతికి చెందిన ఢిల్లీలోని మూడు ఫార్మ్‌హౌస్‌లపై ఎన్‌ఫోర్స్‌మెంట్ డైరెక్టరేట్ (ఈడి) అధికారులు శనివారం దాడులు నిర్వహించారు. ఘితోర్ని, బిజ్వాసన్, సైనిక్ ఫామ్‌హౌస్‌లలో శనివారం ఉదయం ఈ సోదాలు జరిగాయి. ఈ సందర్భంగా విచారణ నిమిత్తం మీసా భారతి భర్త శైలేష్ కుమార్‌ను ఈడి అధికారులు అదుపులోకి తీసుకుని ప్రశ్నిస్తున్నారు. ఈ ఫామ్‌హౌస్‌లు మీసా భారతి, ఆమె భర్త శైలేష్ కుమార్, మెసర్స్ మీషాయిల్ ప్రింటర్స్ అండ్ పేకర్స్ ప్రైవేట్ లిమిటెడ్ పేరు మీద ఉన్నాయి. వీరికి చెందిన మరో రెండు ఫామ్‌హౌస్‌లపై కూడా ఈడి అధికారులు త్వరలో దాడులు నిర్వహించే అవకాశాలున్నాయని ఓ అధికారి తెలిపారు. డొల్ల కంపెనీల పేరుతో అక్రమ లావాదేవీలు నిర్వహించారన్న కేసుకు సంబంధించి సురేంద్ర కుమార్ జైన్, వీరేంద్ర జైన్ సోదరులపై జరుపుతున్న దర్యాప్తులో భాగంగా ఈ దాడులు జరిపారు. డొల్ల కంపెనీల పేరుతో అక్రమ లావాదేవీలు నిర్వహించిన ఈ ఇద్దరు సోదరులపై నగదు అక్రమ లావాదేవీల నిరోధక చట్టం కింద కేసు నమోదైన విషయం తెలిసిందే. మెసర్స్ మిషాయిల్ ప్రింటర్స్ అండ్ పేకర్స్ ప్రైవేట్ లిమిటెడ్ పేరుతో కంపెనీని ఈ ఇద్దరు నెలకొల్పగా దానికి గతంలో భారతి, ఆమె భర్త డైరెక్టర్లుగా పనిచేశారన్న అభియోగాలున్నాయి. షాలినీ హోల్డింగ్స్ లిమిటెడ్, యాడ్-్ఫన్ కేపిటల్ సర్వీసెస్ ప్రైవేట్ లిమిటెడ్, మనిమాలా ఢిల్లీ ప్రొపర్టీస్ ప్రైవేట్ లిమిటెడ్, డైమండ్ వినిమయ్ ప్రైవేట్ లిమిటెడ్ పేరుతో ఏర్పాటు చేసిన డొల్ల కంపెనీల్లో మిషాయిల్ ప్రింటర్స్ అండ్ పేకర్స్ ప్రైవేట్ లిమిటెడ్‌కు చెందిన 1.20లక్షల షేర్లను 2007-08లో వంద రూపాయలకు ఒక్క షేర్ చొప్పున తీసుకువచ్చినట్టు విచారణలో తేలినట్లు ఈడి అధికారి ఒకరు తెలిపారు. మళ్లీ ఇవే షేర్లను కేవలం పది రూపాయలకు ఒక్క షేర్ చొప్పున 1.20 లక్షల షేర్లను భారతి తీసుకున్నట్లు విచారణలో వెల్లడైంది. ఈ షేర్లన్నీ బదలాయించే వరకు కంపెనీ అడ్రస్ 25, తుగ్లక్ రోడ్ పేరుతో ఉండగా, 2009-10లో బిజ్వాసన్ ప్రాంతానికి కంపెనీ అడ్రస్‌ను మార్చేసినట్లు ఈడి విచారణలో తేలింది.
చిత్రం.. ఇడి సోదాలు చేసిన మీసా భారతికి చెందిన ఫామ్‌హౌస్
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.