జాతీయ వార్తలు
సివిల్స్ టాపర్ టీనా దబి
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, మే 10: సివిల్ సర్వీసెస్-2015 పరీక్షలో ఢిల్లీకి చెందిన టీనా దబి అనే యువతి టాప్ ర్యాంకును కైవసం చేసుకుని చాటుకుంది. మంగళవారం ప్రకటించిన ఈ ఫలితాల్లో జమ్మూ-కాశ్మీరుకు చెందిన రైల్వే అధికారి అథర్ అమీర్ యుఐ.షరీఫ్ ఖాన్ రెండో ర్యాంకును సాధించగా, ఢిల్లీకి చెందిన జస్మీత్ సింగ్ సంధు అనే ఇండియన్ రెవెన్యూ సర్వీస్ (ఐఆర్‌ఎస్) అధికారి మూడో ర్యాంకును దక్కించుకున్నాడు. ఢిల్లీలోని లేడీ శ్రీరామ్ కళాశాల నుంచి గ్రాడ్యుయేషన్ పట్టా పొందిన టీనా దబి (22) తొలి ప్రయత్నంలోనే ఈ పరీక్షలో అత్యున్నత ర్యాంకును కైవసం చేసుకోవడం విశేషం. ఈ విజయం తనకు ఎంతో గర్వకారణమని ఆమె పేర్కొంది. కాగా, కాశ్మీరు దక్షిణ ప్రాంతంలోని అనంత్‌నాగ్‌కు చెందిన అథర్ (23)కు సివిల్స్‌లో రెండో ప్రయత్నంలో రెండో ర్యాంకు లభించింది. 2014లో తొలిసారి ఈ పరీక్ష రాసి ఐఆర్‌టిఎస్ (ఇండియన్ రైల్వే ట్రాఫిక్ సర్వీస్)లో ఉద్యోగం పొందిన అతను ప్రస్తుతం లక్నోలోని ఇండియన్ రైల్వేస్ ఇన్‌స్టిట్యూట్ ఆఫ్ ట్రాన్స్‌పోర్ట్ మేనేజ్‌మెంట్‌లో శిక్షణ పొందుతున్నాడు. ప్రస్తుతం సివిల్స్ పరీక్షలో రెండో ర్యాంకు లభించడంతో తన స్వప్నం సాకారమైందని, ప్రజల అభ్యున్నతికి శక్తివంచన లేకుండా పనిచేస్తానని అథర్ చెప్పాడు. సివిల్ సర్వీసులో జమ్మూ-కాశ్మీరు క్యాడర్‌ను ఎంచుకున్నానని, అక్కడ పనిచేసే అవకాశం లభిస్తే ఎంతో సంతోషిస్తానని, సొంత రాష్ట్రంలో ప్రజల ఆకాంక్షలను నెరవేర్చేందుకు విస్తృతమైన అవకాశాలు ఉన్నాయని భావిస్తున్నానని ఆయన పిటిఐ వార్తా సంస్థతో అన్నాడు. ఇదిలావుంటే, మూడో ర్యాంకు సాధించడంలో తనకు చేయూత నిచ్చిన తల్లిదండ్రులు, అధ్యాపకులకు జస్మీత్ సింగ్ సంధు కృతజ్ఞతలు తెలిపాడు. జస్మీత్ తండ్రి న్యూఢిల్లీలోని భారత వ్యవసాయ పరిశోధనా మండలి (ఇకార్)లో పనిచేస్తున్నారు. కుటుంబ సభ్యులు, మిత్రులతో పాటు తనకు కోచింగ్ ఇచ్చిన అధ్యాపకుడు ముకుల్ పాథక్ ప్రోద్బలం వల్లనే సివిల్స్ పరీక్షలో మూడో ర్యాంకు సాధించగలిగానని తెలిపాడు.
chitram సివిల్స్ -2015 పరీక్షల్లో జాతీయ స్థాయ ప్రథమ ర్యాంకు సాధించిన ఢిల్లీ యువతి టినా దబిని ముద్దాడుతున్న తల్లి
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.