జాతీయ వార్తలు
కంటైనర్లలో డబ్బు కట్టలు
S ,7 à 8 RSCA (si SASPAS) et 6 cialis pharmacie cialis rapports de stage.
కోయంబత్తూరు, మే 14: ఎన్నికల వేళ తమిళనాడులో భారీ మొత్తంలో నగదు పట్టుబడటం సంచలనం సృష్టించింది. శనివారం తిరుపూర్ జిల్లాలో తనిఖీలు నిర్వహిస్తున్న ఎన్నికల అధికారులు మూడు కంటైనర్లలో తరలిస్తున్న రూ.570 కోట్ల నగదును స్వాధీనం చేసుకున్నారు. అయితే ఈ నగదును కోయంబత్తూరులోని ఎస్‌బిఐ బ్రాంచ్‌నుంచి ఆంధ్రప్రదేశ్‌లోని విశాఖపట్నం బ్రాంచీలకు తరలిస్తున్నట్లు కంటైనర్ వాహనాల వెంట ఉన్న సిబ్బంది చెప్పారని, అయితే వారి వద్ద అందుకు సరయిన డాక్యుమెంట్లు లేవని అధికారులు చెప్పారు. శనివారం తెల్లవారుజామున పారామిలిటరీ జవాన్లతో కలిసి పెరుమనల్లూర్-కున్నత్తూర్ బైపాస్‌పై రొటీన్‌గా వాహనాలు తనిఖీ చేస్తున్న ఎన్నికల విభాగం ఫ్లైయింగ్ స్క్వాడ్ ఈ నగదును స్వాధీనం చేసుకున్నట్లు పోలీసులు తెలిపారు. కంటైనర్ల వెనుక ఎస్కార్ట్‌గా మూడు కార్లు వస్తున్నాయి. ఆపినా ఆగకుండా వెళ్లడంతో అధికారులు వాటిని వెంటాడి చెంగపల్లి వద్ద ఆపి చెక్ చేయగా, కంటైనర్లలోపల బాక్స్‌లలో నగదు కట్టలున్నట్లు కనుగొన్నామని పోలీసులు తెలిపారు. అయితే తాము ఆంధ్రప్రదేశ్‌కు చెందిన పోలీసులమని కార్లలో ఉన్న వారు చెప్పారు కానీ వారెవరూ యూనిఫామ్‌లో లేకపోవడం అనుమానాలకు కారణమైంది.
వీడిన చిక్కుముడి
విశాఖపట్నం: తమిళనాడులో మూడు కంటైనర్లలో పట్టుబడ్డ భారీ మొత్తం నగదు విశాఖలోని ఎస్‌బిఐకి చెందినదని తేలింది. విశాఖ ఎస్‌బిఐ అధికారులు శనివారం నగర పోలీసు ఇన్‌ఛార్జి కమిషనర్ జి సూర్యప్రకాశరావును కలిసి నగదుకు సంబంధించిన ఆధారాలు అందించారు. వీటిని పోలీసు కమిషనర్ తమిళనాడు అధికారులకు ఫ్యాక్స్ ద్వారా పంపారు. ఇదే విషయమై సూర్యప్రకాశరావు మాట్లాడుతూ నగదుకు సంబంధించి ఎస్‌బిఐ నుంచి ఫిర్యాదు అందిందన్నారు. బ్యాంకు సిబ్బందితో కలిసి పోలీసులు చెన్నై వెళ్తున్నట్టు వివరించారు. నగదుకు సంబంధించిన ఆధారాలు చూపించి అక్కడి నుంచి కంటైనర్లను విశాఖకు తరలిస్తామన్నారు.
తమిళనాడులో పట్టుబడ్డ నగదు కంటైనర్లను కాపలా కాస్తున్న భద్రతా సిబ్బంది
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.