జాతీయ వార్తలు
రాజీవ్ హంతకులను విడుదల చేయండి
S ,7 à 8 RSCA (si SASPAS) et 6 cialis pharmacie cialis rapports de stage.
చెన్నై, జూన్ 11: పాతిక సంవత్సరాలుగా జైల్లో మగ్గుతున్న మాజీ ప్రధానమంత్రి రాజీవ్ గాంధీ హంతకులు ఏడుగురిని వెంటనే విడుదల చేయాలని కోరుతూ పలు తమిళ సంఘాలు చెన్నైలో శనివారం పెద్ద ఎత్తున ర్యాలీ నిర్వహించాయి. రాజీవ్ గాంధీ హత్యానంతరం (మే 21, 1991) అరెస్టయి, మరణశిక్ష పడ్డ ఏడుగురు నేరస్థులు పెరారివలన్, మురుగన్, శంతన్, నళిని, రాబర్ట్ పయాస్, జయకుమార్, రవిచంద్రన్‌ల జైలు జీవితం శనివారానికి సరిగ్గా 25 సంవత్సరాలు పూర్తయ్యాయి. పెరారివలన్ తల్లి అర్పుత్తమ్మల్ నేతృత్వంలో ఈ ప్రదర్శన జరిగింది. వివిధ రాజకీయ పార్టీల నాయకులు, తమిళ సినిమా దిగ్గజాలు, హక్కుల సంఘాల కార్యకర్తలు, మద్దతుదారులు ఈ ర్యాలీలో పాల్గొన్నారు. పట్టాలి మక్కల్ కచ్చి నేత, ధర్మపురి ఎంపి అన్బుమణి రాందాస్, సినిమా నటులు నాజర్, పొన్‌వన్నన్, సత్యరాజ్, దర్శకుడు విక్రమన్ వంటి ప్రముఖులు ఈ ప్రదర్శనలో భాగం పంచుకున్నారు. రాజీవ్ హత్య కేసులో మరణశిక్ష పడిన నేరస్థులలో నళిని శిక్షను జీవిత ఖైదుగా మారుస్తూ, రాజీవ్‌గాంధీ భార్య కాంగ్రెస్ అధ్యక్షురాలు సోనియా గాంధీ అభ్యర్థన మేరకు కేంద్ర కేబినెట్ నిర్ణయం తీసుకుంది. మురుగన్, సంతన్, పెరారివలన్‌ల క్షమాభిక్షలపై నిర్ణయం తీసుకోవటంలో ఆలస్యం చేయటంతో వారి మరణ శిక్షలను కూడా తగ్గిస్తూ సుప్రీం కోర్టు 2014 ఫిబ్రవరిలో తగ్గించింది. ఈ ఏడుగురు నేరస్థులను విడుదల చేయాలని తమిళనాడు ప్రభుత్వం నిర్ణయం తీసుకుని కేంద్రం అభిప్రాయాన్ని కోరింది. తమిళనాడు ప్రభుత్వ నిర్ణయాన్ని కేంద్రం తిరస్కరించింది. ఈ వ్యవహారం సుప్రీం కోర్టులో ఇంకా పెండింగ్‌లో ఉంది.
చిత్రం రాజీవ్ గాంధీ హంతకులను వెంటనే విడుదల చేయాలని కోరుతూ
తమిళ సంఘాలు చెన్నైలో శనివారం ర్యాలీ నిర్వహించిన దృశ్యం
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.