జాతీయ వార్తలు
జుడిత్‌ను రప్పించేందుకు కేంద్రం విస్తృత ప్రయత్నాలు
S ,7 à 8 RSCA (si SASPAS) et 6 cialis pharmacie cialis rapports de stage.
కోల్‌కతా, జూన్ 12: అఫ్గానిస్తాన్ రాజధాని కాబూల్‌లోని తైమానీ ప్రాంతంలో అపహరణకు గురైన జుడిత్ డిసౌజాను స్వదేశానికి రప్పించేందుకు కేంద్ర ప్రభుత్వం విస్తృత ప్రయత్నాలు చేస్తోందని ఆమె కుటుంబ సభ్యులు ఆదివారం తెలిపారు. ‘జుడిత్ విషయంలో విదేశీ వ్యవహారాల శాఖ (ఎంఇఎ)తోపాటు కేంద్ర ప్రభుత్వం మాతో విస్తృత సంప్రదింపులు జరుపుతోంది. సంయుక్త కార్యదర్శి స్థాయి అధికారి ఒకరు ఈ వ్యవహారాన్ని పర్యవేక్షిస్తున్నారు. కేంద్ర ప్రభుత్వంతోపాటు విదేశీ వ్యవహారాల శాఖ పట్ల మాకు పూర్తి నమ్మకం ఉంది. మా సోదరిని స్వదేశానికి రప్పించేందుకు ప్రభుత్వం శక్తివంచన లేకుండా ప్రయత్నిస్తోంది. జుడిత్ పనిచేస్తున్న సంస్థతో మేము కూడా మాట్లాడాం’ అని బాధితురాలి సోదరుడు జెరోమ్ పిటిఐ వార్తా సంస్థకు తెలిపాడు. జుడిత్‌ను రక్షించేందుకు జరుగుతున్న ప్రయత్నాలేమిటో అధికారులు మీకు తెలియజేశారా? అన్న ప్రశ్నకు జెరోమ్ సమాధానమిస్తూ, ఇవన్నీ అధికారిక వ్యవహారాలు అయినందున వీటిని బహిర్గతం చేయకూడదని, కనుక ఈ విషయం గురించి ప్రభుత్వం తమకు వివరించలేదని చెప్పాడు. ఇదిలావుంటే, విదేశీ వ్యవహారాల శాఖ మంత్రి సుష్మా స్వరాజ్ కోల్‌కతాలో జుడిత్ కుటుంబ సభ్యులను కలిశారు. జుడిత్‌ను స్వదేశానికి రప్పించేందుకు కేంద్ర ప్రభుత్వం అన్ని ప్రయత్నాలు చేస్తోందని ఆమె వారికి ధైర్యం చెప్పారు.
చిత్రం జుడిత్ కుటుంబ సభ్యులను పరామర్శించి వస్తున్న సిపిఎం నేత సీతారాం ఏచూరి తదితరులు
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.