జాతీయ వార్తలు
ఫ్రాంచైజీలనూ వదల్లేదు
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, ఫిబ్రవరి 19: వజ్రాల వ్యాపారి నీరవ్ మోదీ, ఆయన బంధువు మెహుల్ చోక్సీ ఇచ్చిన భారీ ఝలక్‌లో నష్టపోయింది పంజాబ్ నేషనల్ బ్యాంకు, ఇతర ప్రభుత్వరంగ రుణ సంస్థలు మాత్రమే కాదట. దర్యాప్తులో కేసును తవ్వుతున్నకొద్దీ వెలుగు చూస్తున్న కొత్త నిజాలు విస్మయానే్న కలిగిస్తున్నాయని దర్యాప్తు అధికారులే అంటున్నారు. తాజా దర్యాప్తు సమాచారం ప్రకారం 2013 -2017 మధ్యకాలంలో రెండు డజన్ల కంపెనీలు, 18మంది వ్యాపారులు నీరవ్ మోదీ, మెహుల్ చోక్సీ జ్యువెలరీ బ్రాండ్ ప్రాంచైజ్‌లు తీసుకుని నిండా మునిగిపోయారని తెలుస్తోంది. ప్రాంచైజ్‌లు తీసుకున్న 18 సంస్థలు, వ్యాపారులు నష్టపోయిన మొత్తం సొమ్ము 20 కోట్ల వరకూ ఉంటుందని అంచనా వేస్తున్నారు. నీరవ్, చోక్సీల అవినీతి కుంభకోణంలో దారుణంగా నష్టపోయిన 18 సంస్థలు, కొందరు వ్యాపారులు క్రిమినల్ ఫిర్యాదులు చేసినట్టు ఓ ఆంగ్ల పత్రిక కథనాన్ని ప్రచురించింది. చోక్సీ నిర్వహించిన బ్రాండెడ్ జ్యువెలరీ షోరూమ్స్ గీతాంజలి, గిలి సంస్థల ప్రాంచైజ్‌లను దేశవ్యాప్తంగా ఢిల్లీ, ఆగ్రా, మీరట్, బెంగళూరు వంటి ప్రధాన పట్టణాల్లో కొన్ని సంస్థలు, వ్యాపారులు నెలకొల్పినట్టు తెలుస్తోంది.
దీంతో చోక్సీ సంస్థలపై కుట్రపూరిత నేరం, మోసం, ఒప్పందాల ఉల్లంఘనల కింద ఫిర్యాదుల చేయడంతో, ఎఫ్‌ఐఆర్ నమోదైనట్టు చెబుతున్నారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.