జాతీయ వార్తలు
అనంత్‌నాగ్ నుంచి మెహబూబా విజయం
S ,7 à 8 RSCA (si SASPAS) et 6 cialis pharmacie cialis rapports de stage.
శ్రీనగర్, జూన్ 25: జమ్మూ, కాశ్మీర్ ముఖ్యమంత్రి మెహబూబా ముఫ్తీ అనంత్‌నాగ్ అసెంబ్లీ నియోజకవర్గానికి జరిగిన ఉప ఎన్నికలో 12 వేలకుపైగా భారీ మెజారిటీతో గెలుపొందారు. ఈ నెల 22న ఈ నియోజకవర్గానికి ఉప ఎన్నిక జరగ్గా, శనివారం ఫలితాలను ప్రకటించారు. తన తండ్రి దివంగత ముఫ్తీ మహమ్మద్ ప్రాతినిధ్యం వహించిన అనంత్‌నాగ్ నియోజకవర్గంనుంచి జరిగిన ఉప ఎన్నికలో మెహబూబా తన సమీప కాంగ్రెస్ అభ్యర్థి హిలాల్ అహ్మద్ షాపై 12వేల పైచిలుకు మెజారిటీతో గెలుపొందారు. మెహబూబాకు 17,698 ఓట్లు రాగా షాకు 5,615 ఓట్లు వచ్చాయి. మూడో స్థానంలో నిలిచిన నేషనల్ కాంగ్రెస్ అభ్యర్థికి 2,811 ఓట్లు వచ్చాయి. జనవరి 7న ముఫ్తీ మహమ్మద్ మృతి చెందడంతో ఉప ఎన్నిక జరపాల్సి వచ్చింది. 2014లో జరిగిన అసెంబ్లీ ఎన్నికల్లో ఈ నియోజకవర్గంలో 38 శాతం పోలింగ్ జరగ్గా ముఫ్తీ కాంగ్రెస్ అభ్యర్థిగా పోటీ చేసిన షాపై 6వేలకు పైగా ఓట్ల మెజారిటీతో గెలుపొందారు. అప్పటికే లోక్‌సభ సభ్యురాలుగా ఉన్నందున మెహబూబా ఆ ఎన్నికల్లో పోటీ చేయలేదు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.